ઇન્ડિયન ફૂડની ઑથેન્ટિસિટીને વળગી રહીને સિગ્નેચર ખરેખર આપણા ઇન્ડિયન ફૂડ લવર્સનું મન જીતી લે છે
ઇન્ડિયાના ખાસ ગ્વાવામાંથી બનેલા ડ્રિન્કની લહેજત માણતો હું.
હું અત્યારે અમેરિકામાં છું. યુ સી, નેટવર્ક ઇશ્યુ. હા, ભાઈ કાગડા બધે કાળા જ હોય. ઍનીવેઝ, આજે મારે વાત કરવી છે વૉશિંગ્ટન ડીસીની સિગ્નેચર રેસ્ટોરાંની. વૉશિંગ્ટનના શોના ઑર્ગેનાઇઝર કિરીટ ઉદેશી સિગ્નેચર રેસ્ટોરાંમાં લઈ ગયા અને સાહેબ મારી સામે તો સાક્ષાત અન્નપૂર્ણા આવી ગયાં. ઇન્ડિયા છોડ્યાને ઘણા દિવસ થયા. વચ્ચે-વચ્ચે ગુજરાતી કે ઇન્ડિયન ફૂડ મળે, પણ એમાં ઑથેન્ટિસિટીનો અભાવ હતો એટલે પેટ ભરાતું હતું, મન નહીં. પણ સિગ્નેચરમાં અમારા બન્નેનાં પેટ અને મન ભરાઈ ગયાં. તમને થાય કે અમારા બન્નેનાં એટલે કોનાં? ભલામાણસ, હું ને મારી અંદર રહેલા બકાસુરના.



