° °

આજનું ઇ-પેપર
Friday, 02 December, 2022


દેવ દિવાળી : ચંદ્રગ્રહણને કારણે બદલાશે તારીખ! જાણો તારીખ અને શુભ સમય

27 October, 2022 12:15 PM IST | Mumbai
Gujarati Mid-day Online Correspondent | gmddigital@mid-day.com

સામાન્ય રીતે દેવ દિવાળી કારતક મહિનાની પૂર્ણિમાના દિવસે ઉજવવામાં આવે છે પરંતુ આ વર્ષે ચંદ્રગ્રહણને કારણે દેવ દિવાળીની તારીખમાં ફેરફાર થશે

પ્રતીકાત્મક તસવીર (તસવીર સૌજન્ય : આઇસ્ટૉક)

પ્રતીકાત્મક તસવીર (તસવીર સૌજન્ય : આઇસ્ટૉક)

દિવાળી (Diwali)ના પંદર દિવસ પછી દેવ દિવાળી (Dev Diwali) ઉજવવામાં આવે છે. આ વર્ષે દેવ દિવાળી ૭ નવેમ્બર ૨૦૨૨ના રોજ ઉજવવામાં આવશે. હિંદુ માન્યતાઓ અનુસાર, દેવ દિવાળીનો તહેવાર દર વર્ષે કાર્તક મહિનાની પૂર્ણિમાના દિવસે ઉજવવામાં આવે છે. પરંતુ આ વખતે ચંદ્રગ્રહણ કાર્તક મહિનાની પૂર્ણિમાએ થવા જઈ રહ્યું છે. ત્યારે આવી સ્થિતિમાં, આ વખતે દેવ દિવાળી પૂર્ણિમાના એક દિવસ પહેલા એટલે કે ૭ નવેમ્બર ૨૦૨૨ના રોજ ઉજવવામાં આવશે. ચાલો જાણીએ વર્ષ ૨૦૨૨માં દેવ દિવાળીની તારીખ, શુભ સમય અને મહત્વ વિશે.

હિંદુ કેલેન્ડર પ્રમાણે, દેવ દિવાળી દર વર્ષે કાર્તક પૂર્ણિમાના દિવસે ઉજવવામાં આવે છે. આ વખતે કાર્તક પૂર્ણિમા ૮ નવેમ્બર ૨૦૨૨ના રોજ છે. જોકે, આ વર્ષે કાર્તક પૂર્ણિમાના દિવસે ચંદ્રગ્રહણ થવાનું છે. પંડિતો અને જ્યોતિષીઓનું માનવું છે કે, શાસ્ત્રોમાં ગ્રહણ દરમિયાન પૂજા કરવાની મનાઈ છે એટલે આ વર્ષે દેવ દિવાળી ૭ નવેમ્બરના રોજ ઉજવવામાં આવશે.

આ વખતે કાર્તક પૂર્ણિમાની તિથિ ૭ નવેમ્બરે સાંજે ૪.૧૫ વાગ્યાથી શરૂ થશે અને ૮ નવેમ્બર ૨૦૨૨ના રોજ સાંજે ૪.૩૧ વાગ્યે સમાપ્ત થશે. એટલે દેવ દિવાળી ૭ નવેમ્બર સોમવારના રોજ ઉજવવામાં આવશે. આ દિવસે પ્રદોષ કાળમાં પૂજાનો શુભ સમય સાંજે ૫.૧૪ વાગ્યાથી રાત્રે ૭.૪૯ સુધીનો છે.

દેવ દિવાળીના દિવસે પવિત્ર નદીમાં સ્નાન કર્યા બાદ દિવાનું દાન કરવું શુભ માનવામાં આવે છે. માન્યતા અનુસાર, દિપદાન નદી કિનારે કરવામાં આવે છે. પૌરાણિક માન્યતા અને પરંપરાના કારણે બનારસમાં ગંગા નદીના કિનારે મોટા પાયે દિવાઓનું દાન કરવામાં આવે છે.

પૌરાણિક કથા મુબ, કાર્તક માસની પૂર્ણિમાના દિવસે ભગવાન શિવે ત્રિપુરાસુર રાક્ષસનો વધ કર્યો હતો. આ જ કારણ છે કે લોકો આ દિવસ ઉત્સાહપૂર્વક ઉજવે છે.

27 October, 2022 12:15 PM IST | Mumbai | Gujarati Mid-day Online Correspondent

અન્ય લેખો

સંસ્કૃતિ અને વારસો

રાખડી અને હાથમાં બાંધેલા ધાગા કેટલો સમય રાખવાં જોઈએ?

શાસ્ત્રોમાં કહેવાયું છે કે શ્રદ્ધા સાથે જોડાયેલી દરેક ચીજવસ્તુની એક આવરદા છે અને એ આવરદા પૂરી થતાં પહેલાં એનો નિકાલ થવો જોઈએ, જેથી એ માત્ર શરીર કે ઘરમાં ટીંગાડી રાખેલી વસ્તુ બને એ પહેલાં એને યોગ્ય સ્થાન મળી જાય

30 October, 2022 04:08 IST | Mumbai | Acharya Devvrat Jani
સંસ્કૃતિ અને વારસો

દક્ષિણ ગુજરાતમાં માતાજીની આરાધનાનું આદિવાસી નૃત્ય : ઘેરિયા

સુરત, નવસારી, તાપી, વલસાડના આદિવાસીઓ એક ખાસ પ્રકારનું નૃત્ય કરે છે. પુરુષો દ્વારા સ્ત્રીવેશમાં થતું આ અનોખું નૃત્ય એક પ્રકારની માતાની આરાધના રૂપે પણ થાય છે અને મનોરંજન રૂપે પણ

23 October, 2022 04:50 IST | Mumbai | Ashok Patel
સંસ્કૃતિ અને વારસો

Dhanteras 2022:આ દિવસે 27 વર્ષ બાદ બની રહ્યો ખાસ સંયોગ, મા લક્ષ્મી વરસાવશે કૃપા

ધાર્મિક વિદ્વાનોના મતે આ વખતે ધનતેરસ 2022ના રોજ એકસાથે અનેક શુભ કાર્યો થઈ રહ્યા છે. 23 ઓક્ટોબરે દિવસભર ધનતેરસ (Dhanteras 2022)ની ખરીદી કરી શકાશે.

21 October, 2022 11:19 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK