પત્ની જેનિલિયાની યાદદાસ્ત વિશે રિતેશ દેશમુખે કહ્યું...

Published: 23rd October, 2020 15:29 IST | Gujarati Mid-day Correspondent | Mumbai

તેને ઘણી વાર ગયા જન્મની વાત પણ યાદ આવે છે

‘ધ કપિલ શર્મા શો’માં જેનિલિયા અને રિતેશ દેશમુખ
‘ધ કપિલ શર્મા શો’માં જેનિલિયા અને રિતેશ દેશમુખ

રિતેશ દેશમુખનું કહેવું છે કે તેની પત્ની જેનિલિયાની યાદદાસ્ત ખૂબ જ સારી છે. તેઓ હાલમાં જ ‘ધ કપિલ શર્મા શો’માં જોવા મળ્યાં હતાં. આ શોમાં કપિલ શર્માએ જ્યારે દસ વર્ષ જૂની કોઈ વાત છે એ સવાલ જેનિલિયાને કર્યો ત્યારે રિતેશે વચ્ચે કહ્યું હતું કે ‘નહીં. નહીં. આ ખોટો સવાલ છે. તેને તો ઘણી વાર ગયા જન્મની વાત પણ યાદ આવે છે.’

તેની યાદદાસ્તનો ક્યારેય ફાયદો થયો છે એ વિશે પૂછતાં રિતેશે કહ્યું હતું કે ‘મેમરીનો ફાયદો કયા પુરુષને થયો છે? કેટલીક વાર મારે જેનિલિયાને સમજાવવું પડે છે કે આ ઘટના આ જન્મમાં નહીં પરંતુ ગયા જન્મમાં થઈ હશે, કારણ કે એ મને જરા પણ યાદ નથી. અમે પહેલી ફિલ્મ ‘તુઝે મેરી કસમ’ કરી હતી એના શેડ્યુલની તારીખો પણ તેને યાદ છે.’

આ વાત જાણીને અર્ચના પૂરણ સિંહને ઘણું આશ્ચર્ય થયું હતું. આ વિશે જેનિલિયાએ કહ્યું હતું કે ‘મને નથી ખબર કેવી રીતે યાદ રહી જાય છે, પરંતુ મારી મેમરી ખૂબ જ સારી છે. મને એના પર ખૂબ જ ગર્વ પણ છે.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK