સાઇના માટે 15 દિવસ સ્પોર્ટ્સ કોમ્પલેક્સમાં રોકાશે પરિણીતી

Published: Nov 06, 2019, 10:33 IST | Mumbai

પરિણીતી ચોપડા તેની આગામી બાયોપિક ‘સાઇના’ માટે પંદર દિવસ સુધી નવી મુંબઈમાં આવેલા રામશેઠ ઠાકુર ઇન્ટરનૅશનલ સ્પોર્ટ‍્સ કોમ્પ્લેક્સમાં રહેવાની છે.

પરિણીતી ચોપડા
પરિણીતી ચોપડા

પરિણીતી ચોપડા તેની આગામી બાયોપિક ‘સાઇના’ માટે પંદર દિવસ સુધી નવી મુંબઈમાં આવેલા રામશેઠ ઠાકુર ઇન્ટરનૅશનલ સ્પોર્ટ‍્સ કોમ્પ્લેક્સમાં રહેવાની છે. તે બૅડમિન્ટન પ્લેયર સાઇના નેહવાલનાં પાત્રને આ ફિલ્મ દ્વારા સાકાર કરવાની છે. શૂટિંગની સાથે તે એનાં માટે જરૂરી ટ્રેઇનિંગ લઈ રહી છે. જોકે ટ્રાવેલિંગનો સમય બચાવવા માટે તે‌ણે સ્પોર્ટ‍્સ કોમ્પલેક્સમાં રહેવાનો નિર્ણય લીધો છે. આ વિશે જણાવતાં પરિણીતીએ કહ્યું હતું કે ‘અમે આ સ્પોર્ટ્સ કોમ્પલેક્સમાં રહેવાનું નક્કી કર્યું છે કારણ કે હું અહીં ટ્રેઇનિંગ લઈ શકું અને સાથે જ એ જ લોકેશન પર શૂટિંગ પણ કરી શકું. શૂટિંગ દરમ્યાન હું આ ગેમને વધુ સારી રીતે રમી શકું એ મારા માટે ખૂબ અગત્યનું છે. ફિલ્મમાં મારે સાઇનાની જેમ જ રમવાનું છે એથી હું મારી જાતને આ ગેમમાં કુશળ બનાવવા માગુ છું. ટ્રાફિકમાં કિંમતી સમય વેડફવો એમાં કોઈ તર્ક નથી. એ સમયનો હું ગેમને સારી બનાવવામાં સદ્ઉપયોગ કરી શકું છું. હું એવુ અનુભવી રહી છું કે હું દરેક લોકોથી દૂર થઈ ગઈ છું અને આઉટડોર શૂટિંગ કરી રહી છું.

આ પણ વાંચો : ચાર વર્ષના બાળકને અપશબ્દો બોલતા ચોમેર નિંદા થઈ રહી છે સ્વરા ભાસ્કરની

હું આખી પ્રોડક્શન ટીમ અને મારા ડિરેક્ટરનો આભાર માનું છું કે તેમણે મને લોકેશન પર રહેવાની પરવાનગી આપી. સાથે જ મારા માટે તેમણે સરળતા પણ કરી આપી છે. મને અહીં સારી જગ્યા મળી છે કે જ્યાં મને સારી નિંદર પણ મળે છે. હું અહી બે અઠવાડિયા સુધી રહેવાની છું.’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK