પરિવાર સાથે બેસીને જોઈ શકાય એવી ફિલ્મોની હું પસંદગી કરું છું : આયુષ્માન
આયુષ્માન ખુરાના એવી ફિલ્મોમાં કામ કરે છે, જેને પરિવારના લોકો સાથે બેસીને જોઈ શકે. ‘શુભ મંગલ ઝ્યાદા સાવધાન’માં આયુષ્માન એક ગેની ભૂમિકામાં જોવા મળશે. જોકે આ ફિલ્મ એક ખાસ મેસેજ સાથે બનાવવામાં આવી છે. એનો ઉદ્દેશ એ છે કે વધુમાં વધુ લોકોને એના મારફત મનોરંજન મળે. આ વિશે આયુષ્માને કહ્યું હતું કે ‘એક એન્ટરટેઇનર તરીકે મારી ઇચ્છા છે કે હું વધુમાં વધુ લોકોને એન્ટરટેઇન કરું. હું ફિલ્મોની પસંદગી પણ એવી કરું છું કે કુટુંબના લોકો થિયેટરમાં જઈને એકસાથે બેસીને જોઈ શકે. એક કલાકાર માટે એનાથી વધુ ખુશીની વાત ન હોઈ શકે કે લોકો તેમની ફિલ્મને એન્જૉય કરતા હોય. સાથે જ ફિલ્મ દ્વારા એક મેસેજ આપવામાં આવે, જેના પર તેઓ વિચાર કરે અને ચર્ચા પણ કરે.’