શોર્ટ સર્કિટનું ટ્રેલર રિલીઝ, ઈટ્સ સ્પાર્કિંગ !
પહેલી સાઈ ફાઈ ફિલ્મનું ટ્રેલર રિલીઝ
તો 2019ની મોસ્ટ અવેઈટિંગ અપકમિંગ ગુજરાતી મૂવી શોર્ટ સર્કિટનું ટ્રેલર રિલીઝ થઈ ચૂક્યુ છે. ફિલ્મના ટ્રેલરમાં એક્શન છે, રોમાન્સ છે અને સાયન્સની સાથે સાથે ફિક્શન પણ છે. ફૈઝલ હાશ્મીએ ડિરેક્ટ કરેલી ધ્વનિત અને કિંજલ રાજપ્રિયા સ્ટારર આ ફિલ્મ પહેલીવાર ગુજરાતી સિનેમના દર્શકો માટે સાયન્સ ફિક્શન સ્ટોરી લઈને આવી છે.
ADVERTISEMENT
ફિલ્મમાં રોમાન્સની સાથે સાથે એક્શન પણ છે
ટ્રેલરની વાત કરીએ તો એક એવા વ્યક્તિની વાત દર્શાવાઈ છે, જે સામાન્ય જિંદગી જીવી રહ્યો છે.પરંતુ અચાનક તેના જીવનમાં વળાંક આવે છે. આ પાત્ર ભવિષ્ય જોઈ શકે છે. જેમાં તે કોઈનું મર્ડર જોવે છે. પછી શરૂ થાય છે જંગ જિંદગી બચાવવાનો. ફિલ્મમાં લીડ રોલમાં ધ્વનિત છે. ધ્વનિતની સામે કિંજલ રાજપ્રિયા એક ટીવી એન્કરના રોલમાં છે. કિંજલને બચાવવાની ધ્વનિતની સ્ટ્રગલ તેમાં ટેક્નોલોજીનો ઉપયોગ એટલે ફિલ્મ શોર્ટ સર્કિટ. જો કે ટ્રેલરના અંતમાં દેખાતી નોર્ધન લાઈટ્સ એક સસ્પેન્સ જરૂર ક્રિએટ કરી રહી છે. નીચે ક્લિક કરીને જુઓ ટ્રેલર.
આ ફિલ્મ સાથે ડિરેક્ટર ફૈઝલ હાશ્મી અને ધ્વનિત ફરી એકવાર સાથે આવી રહ્યા છે. ફિલ્મ 11 જાન્યુઆરી 2019ના રોજ રિલીઝ થશે. એટસલે કે ઉત્તરાયણ પહેલા તમને જવાબ મળશે કે આખરે સમય કેમ અટકી રહ્યો છે.
