લોકપ્રિય વેબસીરિઝ મની હાઇસ્ટમાં સ્ટૉકહોમનું પાત્ર ભજવનારી અભિનેત્રી એસ્ટર અસેબોની એક તસવીર સોશિયલ મીડિયા પર વાયરલ થઈ રહી છે જેમાં તેના ઘરે ભગવાન ગણેશજીની પેઇન્ટિંગ દેખાઇ રહી છે.
ફાઇલ તસવીર
હૉલિવૂડ અને પશ્ચિમી દેશના ઘણાં એવા એક્ટર્સ છે જે ભારતીય સંસ્કૃતિ અને હિંદુ ધર્મમાં ઘણો રસ ધરાવે છે. હવે જાણીતી સ્પેનિશ એક્ટ્રેસ એસ્ટર અસેબો (Esther Acebo)ના ઘરની એક તસવીર સામે આવી છે જેમાં તેમના ઘરે ભગવાન ગણેશની તસવીર લાગેલી દેખાઇ રહી છે. એસ્ટરે જાણીતી વેબસીરિઝ મની હાઇસ્ટમાં સ્ટૉકહોમનું પાત્ર ભજવ્યું હતું.
એસ્ટરની આ તસવીર સામે આવ્યા પછી સોશિયલ મીડિયા પર વાયરલ થઈ ગઈ છે. ઘણા ઇન્ટરનેટ યૂઝર્સે આ તસવીર સોશિયલ મીડિયા પર શૅર કરી છે. લોકો આ વાત પર આનંદ વ્યક્ત કરી રહ્યા છે કે એક સ્પેનિશ એક્ટ્રેસ હિંદુ ધર્મમાં આસ્થા ધરાવે છે. કેટલાક સોશિયલ મીડિયા યૂઝર્સે આ વાત પર ગર્વ પણ વ્યક્ત કર્યો છે કે ઇન્ટરનેશનલ ઓળખ ધરાવનારી અભિનેત્રીએ પોતાના વીડિયોમાં ગણપતિ બાપ્પાની તસવીર બતાવી છે.
ADVERTISEMENT
Proud moment for India ❤️
— ??? ??????????? ????? (@the_wings_2002) January 5, 2022
Spanish actress @EstherAcebo to international fame for her role as Mónica Gaztambide aka #Stockholm in the hit @netflix series #MoneyHeist. who is proudly displaying vedic pictures of lord #Ganesha at her home in one of her video pic.twitter.com/i3HAq92iri
જણાવવાનું કે જાણીતી વેબસીરિઝ મની હાઇસ્ટની હિન્દી રિમેક પણ બને છે. આનું નામ `થ્રી મંકીઝ` હશે. આ શૉમાં અર્જુન રામપાલ પ્રૉફેસરનું પાત્ર ભજવશે જે ઑરિજીનલ વેબસિરીઝમાં અલ્વારો મોર્તેએ ભજવ્યું હતું. અર્જુને નવેમ્બરમાં શૂટ શરૂ થયા પછી પોતાની તસવીર સોશિયલ મીડિયા પર શૅર કરી હતી. `થ્રી મંકીઝ`નું ડિરેક્શન અબ્બાસ-મસ્તાન કરશે.
