‘મહારાણી’ વેબ-સિરીઝમાં અમિત સિયાલ ‘રાણી ભારતી’ હુમા કુરેશીનો વિરોધી બન્યો છે
હુમા કુરેશી
સોની લિવની પૉલિટિકલ ડ્રામા સિરીઝ ‘મહારાણી’માં હુમા કુરેશી રાણી ભારતીના રોલમાં છે જે એક સામાન્ય ગૃહિણીમાંથી મુખ્યમંત્રી બને છે. રાણી ભારતીના હરીફ એટલે કે વિરોધ પક્ષના નેતા નવીન કુમારનો રોલ ઍક્ટર અમિત સિયાલ કરે છે. અમિત ‘તિતલી’, ‘ઇનસાઇડ એજ’, ‘કાઠમાંડુ કનેક્શન’ વગેરેમાં દમદાર અભિનયને કારણે જાણીતો છે. હુમા અને અમિત ‘મહારાણી’માં એકબીજાને ટક્કર આપે છે. અમિત સિયાલે કો-સ્ટાર હુમા સાથેની એ જૂની યાદો શૅર કરી છે; જ્યારે હુમા કૉલેજમાં હતી અને અમિત ઇન્ટર-કૉલેજ ડ્રામા કૉમ્પિટિશનમાં જજ તરીકે બેઠો હતા. હુમા ત્યારે વિજેતા બની હતી અને આજે ‘મહારાણી’માં તેણે નવીન કુમાર (અમિત સિયાલ) સહિતના હરીફોને ટક્કર આપી છે!
અમિત સિયાલ કહે છે, ‘એ યોગાનુયોગ હતો કે હું જે કૉમ્પિટિશનમાં જજ તરીકે હાજર હતો એમાં હુમાએ ભાગ લીધો હતો. એક ઍક્ટર તરીકે હુમાની જર્ની અદ્ભુત છે. તેનું હાર્ડ-વર્ક પ્રશંસનીય છે. એ વખતે મને ખબર નહોતી કે અમે ઑન-સ્ક્રીન સાથે કામ કરીશું અને એમાં પણ એકબીજાનાં હરીફ બનીશું.’