સોની પર આવતા ‘ધ કપિલ શર્મા શો’ની જગ્યાએ હવે બહુ જલદી ‘ઇન્ડિયાઝ લાફટર ચૅમ્પિયન’ને રજૂ કરવામાં આવશે.
કપિલ શર્માની જગ્યા લેશે શેખર સુમન
સોની પર આવતા ‘ધ કપિલ શર્મા શો’ની જગ્યાએ હવે બહુ જલદી ‘ઇન્ડિયાઝ લાફટર ચૅમ્પિયન’ને રજૂ કરવામાં આવશે. આ શોને અગિયાર જૂનથી રજૂ કરવામાં આવશે. કપિલ શર્મા જૂનમાં અમેરિકાની ટૂર કરી રહ્યો છે. તે એક મહિના માટે અમેરિકાની ટૂર પર છે. આથી તે શૂટિંગ કરી શકે એમ નહોતો. આથી ચૅનલ અને તેના દ્વારા નક્કી કરવામાં આવ્યું કે તેઓ શોમાંથી બ્રેક લેશે. આ બ્રેક દરમ્યાન સોની પર શેખર સુમનનો શો ‘ઇન્ડિયાઝ લાફટર ચૅમ્પિયન’ રજૂ કરવામાં આવશે. આ શોમાં તે અર્ચના પુરણ સિંહ સાથે જજની પૅનલ પર જોવા મળશે. આ વિશે શેખર સુમને કહ્યું હતું કે ‘હું ‘ઇન્ડિયાઝ લાફટર ચૅમ્પિયન’ માટે ખૂબ જ ઉત્સાહી છું. તમારી દરેક ચિંતાને દૂર કરવાના હેતુથી આ શોને બનાવવામાં આવી રહ્યો છે જેથી તમે દિલ ખોલીને હસી શકો. સ્પર્ધકો આ શો દ્વારા દર્શકોને ભરપૂર મનોરંજન પૂરું પાડશે એની અમને ખુશી છે. અર્ચના સાથે આ શોમાં કામ કરવું ગ્રેટ લાગી રહ્યું છે. લોકો જૂની યાદોને તાજી કરી શકશે.’