જીવિકાના પાત્ર દ્વારા ડેબ્યુ કરવું મારા માટે ખુશીની વાત છે : શિવિકા
શિવિકા પાઠક અને આશેય મિશ્રા
લગ્ન પણ હવે એક્સપાયરી ડેટ સાથે આવે છે એ દેખાડતો એક નવો શો આવી રહ્યો છે. કલર્સ પર આવી રહેલો આ શો ‘અગ્નિસાક્ષી... એક સમઝૌતા’માં આશેય મિશ્રા અને શિવિકા પાઠક જોવા મળશે. આ એક લવ-સ્ટોરી છે જેની શરૂઆત જ લગ્નના અંત દ્વારા થાય છે. આશેય અને શિવિકાએ અનુક્રમે સાત્ત્વિક ભોસલે અને જીવિકા રાણેનું પાત્ર ભજવ્યું છે જેઓ કૉમ્પ્રોમાઇઝ દ્વારા રિલેશનશિપમાં રહેતાં હોય છે. આ વિશે વાત કરતાં આશેય મિશ્રાએ કહ્યું કે ‘અમારી એક અલગ જ સ્ટોરી ‘અગ્નિસાક્ષી... એક સમર્ઝાતા’માં જોવા મળશે. આનાથી સારા ડેબ્યુ મારા માટે કોઈ ન હોઈ શકે. હું સાત્ત્વિક ભોસલેનું પાત્ર ભજવી રહ્યો છું. તે એક સફળ બિઝનેસમૅન અને ફૅમિલીમૅન હોય છે. આ નવી મુસાફરી માટે હું તૈયાર છું અને આશા છે કે લોકોને એ પસંદ પડે.’
આ વિશે વાત કરતાં શિવિકાએ કહ્યું કે ‘હું નિયતિમાં માનું છું. મારા શોની મુખ્ય સ્ટોરી પણ એના પર જ છે. જીવિકાના પાત્ર દ્વારા ડેબ્યુ કરવું મારા માટે ખુશીની વાત છે. તે ફુલ-ઑફ-લાઇફ હોય છે અને ઓલ્ડ-ફૅશન લવમાં માને છે. આ શોની સ્ટોરીલાઇન એકદમ અલગ છે.’
