એક્સ-વાઇફનું કહેવું છે કે તે તેને દિલથી પ્રેમ કરે છે અને તેના વિશે કોઈ ખરાબ ફીલિંગ નથી
એક્સ-વાઇફનું કહેવું છે કે તે તેને દિલથી પ્રેમ કરે છે અને તેના વિશે કોઈ ખરાબ ફીલિંગ નથી
જૉની ડેપ ફરી તેની એક્સ-વાઇફ ઍમ્બર હર્ડ પર કેસ કરે એવી શક્યતા છે. જૉનીએ તેની એક્સ-વાઇફ પર કેસ કર્યો હતો અને તે જીતી પણ ગયો હતો. આ કેસમાં ઍમ્બરને ટોટલ પંદર મિલ્યન ડૉલર ચૂકવવાનો ઑર્ડર કોર્ટે કર્યો હતો. એની સામે જૉનીએ તેને ફક્ત બે મિલ્યન ડૉલર ચૂકવવાના હતા. ઍમ્બરની વકીલે કહ્યું હતું કે આટલી મોટી રકમ ઍમ્બર ચૂકવી શકે એમ નથી. ઍમ્બરે જાહેરમાં કહ્યું હતું કે તે ડોમેસ્ટિક વાયલન્સની શિકાર બની છે. તેણે જૉનીનું નામ તો નહોતું લીધું પરંતુ ઇશારો તેના પર જ હતો. આથી જૉનીએ કેસ કર્યો હતો અને તે જીતી પણ ગયો હતો. જોકે આ કેસ બાદ પણ ઍમ્બર ઇન્ટરવ્યુ આપી રહી છે અને તેને ફરી પૂછવામાં આવ્યું હતું કે કોર્ટમાં જૉનીએ કહ્યું હતું કે તેણે ક્યારેય હાથ નથી ઉપાડ્યો એ વિશે તારું શું કહેવું છે? એના જવાબમાં ઍમ્બરે કહ્યું હતું કે તે ખોટું બોલી રહ્યો હતો. આથી તેના આ સ્ટેટમેન્ટના આધારે જૉની ફરી તેના પર કેસ કરી શકે છે.
જૉની વિશે પૂછતાં ઍમ્બરે કહ્યું હતું કે ‘હું તેને પ્રેમ કરું છું. હું તેને દિલથી પ્રેમ કરું છું. અમારી તૂટેલી રિલેશનશિપને બચાવવા મેં ખૂબ કોશિશ કરી હતી. જોકે હું નહોતી કરી શકી. તેના પ્રત્યે મારી કોઈ ખરાબ ફીલિંગ નથી. આ સમજવું ખૂબ મુશ્કેલ છે અથવા તો એકદમ સરળ છે. જો તમે કોઈને પણ પ્રેમ કર્યો હોય તો એ સમજવું ખૂબ જ સરળ છે.’
