તેના કૅરૅક્ટરનું નામ રાઘવ માનવલન છે
ઈશાન ખટ્ટર
ઈશાન ખટ્ટર વિડિયો સ્ટ્રીમિંગ સર્વિસ નેટફ્લિક્સની આગામી હૉલીવુડ ફિલ્મ ‘ડોન્ટ લુક અપ’માં નાનકડી ભૂમિકામાં જોવા મળવાનો છે. તેના કૅરૅક્ટરનું નામ રાઘવ માનવલન છે. આ ફિલ્મમાં લિયોનાર્ડો ડિકૅપ્રિયો, જેનિફર લૉરેન્સ, મેરિલ સ્ટ્રીપ, જોના હિલ, રોબ મૉર્ગન, માર્ક રાયલન્સ અને ટિમોથી કેલમેટ લીડ રોલમાં છે. તેમના સિવાય આ ફિલ્મમાં ભારતીય ઍક્ટર હિમેશ પટેલ પણ જોવા મળશે. આ ફિલ્મ આજે રિલીઝ થઈ રહી છે. સ્ટોરીમાં દેખાડવામાં આવશે કે બે ઍસ્ટ્રોનોમર્સ શોધી કાઢે છે કે ધૂમકેતુ ખૂબ ઝડપથી ધરતી તરફ આગળ વધી રહ્યો છે કે જેનાથી વિનાશ સરજાશે. ત્યાર બાદ કેવા પ્રકારની અણધારી સ્થિતિનું નિર્માણ થાય છે એ દેખાડવામાં આવશે. સૂત્રો પાસેથી જાણવા મળ્યું છે કે ઈશાન ૧૦ સેકન્ડ સુધી સ્ક્રીન પર દેખાશે, પરંતુ એ મજેદાર હશે અને લોકો પણ એની અચૂક નોંધ લેશે. ભારતના દર્શકો પણ તેને જોઈને સરપ્રાઇઝ થશે.
