કૃષ્ણદેવ યાજ્ઞિકની ફિલ્મ ‘ડેની જીગર’નું શરુ થયું શૂટિંગ
યશ સોની (તસવીર સૌજન્ય : ઇન્સ્ટાગ્રામ)
આ વર્ષે સુપરહિટ ફિલ્મોની હેટ્રિક કરનાર અભિનેતા યશ સોની (Yash Soni)એ નવી ફિલ્મના શૂટિંગની શરુઆત કરી દીધી છે. તે ફરી એકવાર તેના મનગમતા દિગ્દર્શક સાથે કામ કરવાનો છે. દિગ્દર્શક કૃષ્ણદેવ યાજ્ઞિક (Krishnadev Yagnik)ની નવી ફિલ્મ માટે યશ સોનીએ શૂટિંગ શરુ કર્યું છે. ફિલ્મ ‘ડેની જીગર’ (Danny Jigar)નો યશ સોનીનો લૂક સોશ્યલ મીડિયા પર હાલમાં જ પોસ્ટ કરવામાં આવ્યો છે.
કૃષ્ણદેવ યાજ્ઞિક દિગ્દર્શિત અને યશ સોની અભિનિત ફિલ્મ ‘ડેની જીગર’નું શૂટિંગ થોડાક દિવસ પહેલા જ શરુ થયું છે. ફિલ્મમાં યશ સોનીના લૂકની તસવીર કૃષ્ણદેવ યાજ્ઞિકે ઇન્સ્ટાગ્રામ પર શૅર કરી છે. સાથે કૅપ્શનમાં લખ્યું છે, ‘હૅશટેગ ડેની જીગર’.
ADVERTISEMENT
View this post on Instagram
આ પોસ્ટ પરથી ખબર પડે છે કે, યશ સોની ફિલ્મમાં ગુજરાત પોલીસ ઓફિસરની ભૂમિકા ભજવી રહ્યો છે. યશના હાથમાં એક ફાઇલ છે જેના પર લખ્યું છે, ‘ડેની’સ બુક ઓફ વર્લ્ડ રેકોર્ડ’. ફોટોમાં તે એકદમ મસ્તીભરી ડેવિલ સ્માઇલ આપી રહ્યો છે.
યશ સોનીએ પણ ફિલ્મની આ તસવીર શૅર કરી છે.
View this post on Instagram
‘ડેની જીગર’ વિશે વધુ માહિતી મેળવવા માટે દિગ્દર્શક કૃષ્ણદેવ યાજ્ઞિકનો સંપર્ક કરવામાં આવ્યો હતો પરંતુ સંપર્ક થઈ શક્યો નહોતો.
આ પણ જુઓ - HBD કૃષ્ણદેવ યાજ્ઞિક : અર્બન ગુજરાતી ફિલ્મોમાં નવતર પ્રયોગ કર્યા છે ફિલ્મમેકરે
તમને જણાવી દઈએ કે, યશ સોની અને કૃષ્ણદેવ યાજ્ઞિકે અત્યાર સુધી જેટલી પણ વાર સાથે આવ્યા છે ત્યારે ત્યારે તેમણે સ્ક્રિન પર ધમાલ જ કરી છે. આ પહેલા યશ સોની અને કૃષ્ણદેવ યાજ્ઞિકે ‘છેલ્લો દિવસ’ (Chhello Divas), ‘શું થયું?’ (Shu Thayu?), ‘રાડો’ (Raado) અને ‘નાડી દોષ’ (Naadi Dosh)માં સાથે કામ કર્યું છે. આ બધી જ ફિલ્મો સુપરહિટ રહી છે. હવે આવનારી ફિલ્મ ‘ડેની જીગર’ પણ સુપરહિટ રહેશે તેવી આશા છે.
