હિતુ કનોડિયાએ તેની આગામી ફિલ્મ ‘નાસૂર’નું શૂટિંગ શરૂ કરી દીધું છે.
‘નાસૂર’નું શૂટિંગ શરૂ કર્યું હિતુ કનોડિયા અને નીલમ પંચાલે
હિતુ કનોડિયાએ તેની આગામી ફિલ્મ ‘નાસૂર’નું શૂટિંગ શરૂ કરી દીધું છે. આ ફિલ્મને રિશિલ જોષી દ્વારા ડિરેક્ટ કરવામાં આવી રહી છે અને એમાં નીલમ પંચાલ પણ લીડ રોલમાં જોવા મળશે. આ એક થ્રિલિંગ સ્ટોરી છે. આ માટે એક પોસ્ટર શૅર કરવામાં આવ્યું છે. આ પોસ્ટરમાં ટેબલ પર ઘણા પૈસા મૂકવામાં આવ્યા છે અને એને સળગાવવામાં આવ્યા છે. આના પરથી લાગી રહ્યું છે કે સ્ટોરી કરપ્શનની આસપાસ ફરી રહી છે. આ ફિલ્મની સ્ટોરી કાજલ મહેતાએ લખી છે અને સિનેમૅટોગ્રાફી સુમન દ્વારા કરવામાં આવશે જે ગુજરાતી ફિલ્મ ઇન્ડસ્ટ્રીમાં જાણીતું નામ છે. હિતુ કનોડિયા અને નીલમની સાથે આ ફિલ્મમાં દેનિશા ઘુમરા અને હીના વર્દે પણ જોવા મળશે. આ ફિલ્મને મનોજ આહિર દ્વારા પ્રોડ્યુસ કરવામાં આવી છે.
