આ ફિલ્મને આવતા વર્ષે રિલીઝ કરવામાં આવે એવી શક્યતા છે
વરુણ ધવન
વરુણ ધવન તેની આગામી ફિલ્મમાં ઍક્શન અવતારમાં દેખાવાનો છે એવી ચર્ચા ચાલી રહી છે. એ ફિલ્મને ઍટલી ડિરેક્ટ કરશે અને ખેતાણી પ્રોડ્યુસ કરશે. આ ફિલ્મને આવતા વર્ષે રિલીઝ કરવામાં આવે એવી શક્યતા છે. આ ત્રણેય પહેલી વખત સાથે કામ કરતા દેખાશે. ફિલ્મનું ટાઇટલ હજી સુધી નક્કી નથી કરવામાં આવ્યું. ઍક્શનથી ભરપૂર આ ફિલ્મનું શૂટિંગ જુલાઈ અથવા તો ઑગસ્ટમાં શરૂ કરવામાં આવશે. ફિલ્મને ચાર-પાંચ મહિનામાં બનાવવામાં આવશે. ફિલ્મમાં ઇમોશન અને ડ્રામા પણ જોવા મળશે. મેકર્સ વરુણ માટે સ્ટાઇલિશ અને લાર્જર-ધૅન-લાઇફ સીક્વન્સિસ ડિઝાઇન કરવામાં આવશે. આ કમર્શિયલ એન્ટરટેઇનર હાલમાં પ્રી-પ્રોડક્શનના સ્ટેજમાં છે. વરુણ ઘણા સમયથી મેકર્સ સાથે ચર્ચા કરી રહ્યો હતો. દર્શકોને આ ફિલ્મ દ્વારા શાનદાર ઍક્શન દેખાડવામાં આવશે એવો મેકર્સનો દાવો છે. ટૂંક સમયમાં ફિલ્મના અન્ય કલાકારોની પણ પસંદગી કરવામાં આવશે.
