આમિર ખાનની સિતારે ઝમીન પરની ૧૦૦ કરોડની ક્લબમાં એન્ટ્રી

ફિલ્મે રિલીઝના નવમા દિવસે ભારતમાં ૧૦૭.૬૮ કરોડ રૂપિયાનો બિઝનેસ કરીને ૧૦૦ કરોડની ક્લબમાં એન્ટ્રી લઈ લીધી છે

`સિતારે ઝમીન પર`નું પોસ્ટર

આમિર ખાનની ‘સિતારે ઝમીન પર’ ફિલ્મે રિલીઝના નવમા દિવસે ભારતમાં ૧૦૭.૬૮ કરોડ રૂપિયાનો બિઝનેસ કરીને ૧૦૦ કરોડની ક્લબમાં એન્ટ્રી લઈ લીધી છે. આ ફિલ્મ આમિરની કરીઅરની સાતમી ફિલ્મ બની ગઈ છે જેણે ૧૦૦ કરોડ ક્લબમાં સ્થાન મેળવ્યું છે.

આ ફિલ્મની બીજા શુક્રવારે આવક ૬.૬૭ કરોડ રૂપિયા હતી, જ્યારે શનિવારે શાનદાર ઉછાળો જોવા મળ્યો અને ફિલ્મે ૧૨.૫૫ કરોડ રૂપિયાની આવક કરી હતી.

ADVERTISEMENT

આ પહેલાં આમિરની ‘ગજની’, ‘3 ઇડિયટ્સ’, ‘ધૂમ-3’, ‘પીકે’, ‘દંગલ’ અને ‘ઠગ્સ ઑફ હિન્દોસ્તાં’ ૧૦૦ કરોડ ક્લબમાં સામેલ થઈ ચૂકી છે. કોરોનાકાળ બાદ આમિરની આ પહેલી મોટી સફળતા છે. આ પહેલાં રિલીઝ થયેલી ‘લાલ સિંહ ચઢ્ઢા’ બૉક્સ ઑફિસ પર ફ્લૉપ રહી હતી. આશા છે કે નજીકના ભવિષ્યમાં ‘સિતારે ઝમીન પર’ ‘ગજની’ના ૧૧૪ કરોડ રૂપિયાની કમાણીના રેકૉર્ડને તોડી નાખશે.