આ ફિલ્મ ૧૯૯૪માં આવેલી હૉલીવુડની ‘ફૉરેસ્ટ ગમ્પ’ની હિન્દી રીમેક છે
આમિર ખાન
આમિર ખાનની ‘લાલ સિંહ ચઢ્ઢા’નું શૂટિંગ હવે પૂરું થઈ ગયું છે. આ ફિલ્મ ૧૯૯૪માં આવેલી હૉલીવુડની ‘ફૉરેસ્ટ ગમ્પ’ની હિન્દી રીમેક છે. એ ક્રિસમસમાં રિલીઝ થવાની છે. ફિલ્મમાં આમિરની સાથે કરીના કપૂર ખાન પણ લીડ રોલમાં જોવા મળશે. આ ફિલ્મને આમિર ખાન, વાયકૉમ 18 અને પૅરેમાઉન્ટ પિક્ચર્સે પ્રોડ્યુસ કરી છે. ઘણા સમયથી ફિલ્મનું શૂટિંગ ચાલી રહ્યું હતું. કોરોનાને કારણે લાગેલા લૉકડાઉનથી ફિલ્મના શૂટિંગ પર પણ અસર પડી હતી. આ ફિલ્મનું શૂટિંગ લદાખમાં પણ કરવામાં આવ્યુ હતું. તાજેતરમાં જ ફિલ્મનું શૂટિંગ મુંબઈમાં કરવામાં આવ્યુ હતું. એમાં કરીના પણ જોડાઈ હતી. ‘સીક્રેટ સુપરસ્ટાર’ના ડિરેક્ટર અદ્વૈત ચંદને ‘લાલ સિંહ ચઢ્ઢા’ને ડિરેક્ટ કરી છે. ફિલ્મનું શૂટિંગ પૂરું થતાં ટીમે સેલિબ્રેશન કર્યું હતું.