દિલ્હીની પ્રતિષ્ઠિત તાજ પૅલેસ ખાતે યોજાઈ રહેલા લૅક્મે ફૅશન વીકમાં ગઈ કાલે શિલ્પા શિરોડકર આકર્ષણનું કેન્દ્ર બની હતી. તેણે જાણીતી ફૅશન-ડિઝાઇનર સંજુક્તા દત્તાના નવા કલેક્શન માટે શાનદાર રૅમ્પ-વૉક કર્યું હતું.
શિલ્પા શિરોડકરે નવી દિલ્હીમાં કરી રૅમ્પ વૉક
નવી દિલ્હીની પ્રતિષ્ઠિત તાજ પૅલેસ ખાતે યોજાઈ રહેલા લૅક્મે ફૅશન વીકમાં ગઈ કાલે શિલ્પા શિરોડકર આકર્ષણનું કેન્દ્ર બની હતી. તેણે જાણીતી ફૅશન-ડિઝાઇનર સંજુક્તા દત્તાના નવા કલેક્શન માટે શાનદાર રૅમ્પ-વૉક કર્યું હતું અને શો-સ્ટૉપર તરીકે સૌનું ધ્યાન ખેંચ્યું હતું.
દત્તાએ આ સીઝનમાં પોતાનું નવું કલેક્શન ‘ગૌધૂલી’ રજૂ કર્યું છે. આ કલેક્શન સાંજ અને રાતના મિલન સમાન સંધ્યાકાળની સુંદરતાથી પ્રેરિત છે. સંજુક્તાએમાં કાળા અને મરૂન રંગોના સંયોજન સાથે આસામની પરંપરા અને સંસ્કૃતિની ઝલક જોવા મળી હતી. આ કલેક્શનનાં તમામ વસ્ત્રો હાથેથી તૈયાર કરવામાં આવ્યાં છે અને પરંપરાગત રીતે હાથવણાટથી બનાવવામાં આવ્યાં છે. આ રીતે કલેક્શનમાં આસામના કારીગરોની કુશળતા અને પરંપરાગત વણાટકામને મહત્ત્વ આપવામાં આવ્યું છે.
ADVERTISEMENT
લાંબા સમય બાદ રૅમ્પ પર પરત ફરેલી અભિનેત્રી શિલ્પા શિરોડકરે પરંપરાગત ભારતીય પોશાકમાં શાલીન અંદાજમાં વૉક કર્યું હતું. સુંદર હૅન્ડલૂમ સાડીમાં સજ્જ શિલ્પાએ આત્મવિશ્વાસ સાથે ભારતીય સંસ્કૃતિ અને ફૅશનનું પ્રતિનિધિત્વ કર્યું હતું.
