૭૦૦ કરોડ રૂપિયાના બજેટમાં બનેલી આ ફિલ્મ બૉક્સ-ઑફિસ પર નિષ્ફળ સાબિત થઈ હતી.
તૈમુર અને સૈફ અલી ખાન
સૈફ અલી ખાન અને કરીના કપૂરના નવ વર્ષના દીકરા તૈમૂરે હાલમાં જ તેના પપ્પાની ફિલ્મ ‘આદિપુરુષ’ જોઈ, પણ તેને આ ફિલ્મ ખાસ પસંદ પડી નહોતી જેના કારણે સૈફે દીકરાની માફી માગવી પડી હતી.
સૈફ અને જયદીપ અહલાવત હાલમાં તેમની લેટેસ્ટ ફિલ્મ ‘જ્વેલથીફ: ધ હાઇસ્ટ બિગિન્સ’ના પ્રમોશનમાં વ્યસ્ત છે. આવા જ એક પ્રમોશન દરમ્યાન જયદીપ જર્નલિસ્ટના રોલમાં જોવા મળ્યો હતો અને તેણે સૈફને સવાલ કર્યો કે શું તેનાં બાળકો તેની કોઈ ફિલ્મ જુએ છે? ત્યારે જવાબ આપતાં સૈફે કહ્યું, ‘મેં હાલમાં જ તૈમૂરને ‘આદિપુરુષ’ દેખાડી. થોડા સમય પછી તેણે મને વિચિત્ર રીતે જોવાનું શરૂ કર્યું. આ પછી મેં તેને આખરે કહી દીધું કે ‘સૉરી’. આ પછી તેણે મને કહ્યું કે કોઈ વાંધો નહીં. આખરે તેણે મને માફ કરી દીધો.’
સૈફે આ વાત કરી એને પગલે એવી ચર્ચા શરૂ થઈ હતી કે તેણે પોતાની જ ફિલ્મને ઉતારી પાડી છે, પણ પછી તેણે સ્પષ્ટતા કરી હતી કે હું આ ફિલ્મમાં વિલન બન્યો એ બદલ તૈમૂરની માફી માગી હતી.
સૈફ અલી ખાનની ‘આદિપુરુષ’ બૉક્સ-ઑફિસ પર નિષ્ફળ સાબિત થઈ હતી. આ ફિલ્મમાં તેની સાથે પ્રભાસ અને ક્રિતી સૅનન પણ હતાં. ડિરેક્ટર ઓમ રાઉતની આ ફિલ્મમાં રામાયણ મહાકાવ્યને શાનદાર રીતે રજૂ કરવાનો પ્રયાસ કરવામાં આવ્યો હતો. આ ફિલ્મ બનાવવા માટે ૭૦૦ કરોડ રૂપિયા જેટલો ખર્ચ કરવામાં આવ્યો હોવા છતાં એના નબળાં VFX, બોરિંગ ડાયલૉગ્સ અને નીરસ સ્ટોરીને કારણે ફિલ્મની આકરી ટીકા કરવામાં આવી હતી.
