ફિલ્મમેકર રાજકુમાર હિરાણીની ફિલ્મોથી અત્યાર સુધી ઘણા કલાકારો સ્ટાર બની ચૂક્યા છે અને હવે તેમનો દીકરો વીર પણ હીરો બનવા તરફ આગળ વધી રહ્યો છે. વીર OTT પ્લૅટફૉર્મ પર આવનારી સિરીઝથી ડેબ્યુ કરી રહ્યો છે અને એની રિલીઝ-ડેટ પણ જાહેર થઈ ગઈ છે.
રાજકુમાર હિરાણી, અર્શદ વારસી સાથે વીર હિરાણી
ફિલ્મમેકર રાજકુમાર હિરાણીની ફિલ્મોથી અત્યાર સુધી ઘણા કલાકારો સ્ટાર બની ચૂક્યા છે અને હવે તેમનો દીકરો વીર પણ હીરો બનવા તરફ આગળ વધી રહ્યો છે. વીર OTT પ્લૅટફૉર્મ પર આવનારી સિરીઝથી ડેબ્યુ કરી રહ્યો છે અને એની રિલીઝ-ડેટ પણ જાહેર થઈ ગઈ છે. વીરને લીડ રોલમાં ચમકાવતી સિરીઝનું નામ ‘પ્રીતમ ઍન્ડ પેડ્રો’ છે, જેની વાર્તા સાઇબર ક્રાઇમ પર આધારિત હશે. આ સિરીઝ ૩ જુલાઈથી જિયોહૉટસ્ટાર પર જોવા મળશે.
‘પ્રીતમ ઍન્ડ પેડ્રો’માં વીર ટેક-સૅવી પોલીસ-ઑફિસરની ભૂમિકા ભજવશે જે ટેક્નૉલૉજીની મદદથી કેસ સૉલ્વ કરે છે. બીજી તરફ અર્શદ વારસી ટિપિકલ પોલીસ-અધિકારીના પાત્રમાં જોવા મળશે. વીર સાથે આ સિરીઝમાં વિક્રાન્ત મેસી અને મોના સિંહ પણ જોવા મળશે.
ખાસ વાત એ છે કે ‘પ્રીતમ ઍન્ડ પેડ્રો’ વીરની સાથે-સાથે રાજકુમાર હિરાણીનો પણ OTT પર ડેબ્યુ પ્રોજેક્ટ છે. વીરે રૉયલ ઍકૅડેમી ઑફ ડ્રામેટિક આર્ટમાંથી ગ્રૅજ્યુએશન કર્યું છે. હાલમાં વીરની ઉંમર ૨૮ વર્ષ છે, પરંતુ તે ટીનેજથી જ શૉર્ટ ફિલ્મો બનાવી રહ્યો છે.
