ફિલ્મમેકર જ્યુડ ઍન્થની જોસેફની મલયાલમ ફિલ્મ ‘2018 - એવરીવન ઇઝ અ હીરો’ને ઑસ્કરના લિસ્ટમાંથી કાઢી મૂકવામાં આવી છે.
ફિલ્મ ‘2018 - એવરીવન ઇઝ અ હીરો`
ફિલ્મમેકર જ્યુડ ઍન્થની જોસેફની મલયાલમ ફિલ્મ ‘2018 - એવરીવન ઇઝ અ હીરો’ને ઑસ્કરના લિસ્ટમાંથી કાઢી મૂકવામાં આવી છે. એ સિવાય ભારતની એકેય ફિલ્મને એમાં સ્થાન નથી મળ્યું. ઑસ્કરના લિસ્ટ પર નજર નાખીએ તો ‘બાર્બી’ને પાંચ કૅટેગરીમાં નૉમિનેશન મળ્યું છે. સાથે જ ‘ઓપનહાઇમર’ને ત્રણ કૅટેગરીમાં નૉમિનેટ કરવામાં આવી છે. ‘સ્પાઇડરમૅન : એક્રૉસ ધ સ્પાઇડર વર્સ’ને મ્યુઝિકમાં ઓરિજિનલ સ્કોરમાં નૉમિનેશન મળ્યું છે. ભારતની એકેય ફિલ્મને સામેલ નથી કરવામાં આવી એથી એ નિરાશા જન્માવે છે. ‘2018 - એવરીવન ઇઝ અ હીરો’ની વાત કરીએ તો એને બેસ્ટ ફૉરેન લૅન્ગ્વેજ ફિલ્મની કૅટેગરી માટે મોકલવામાં આવી હતી. એ ફિલ્મ કેરલામાં ૨૦૧૮માં આવેલાં પૂર પર આધારિત છે. લોકોને એ વાસ્તવિકતાથી અવગત કરાવવા આ ફિલ્મ બનાવવામાં આવી હતી. ફિલ્મ ઑસ્કરના લિસ્ટમાંથી બહાર જતાં ડિરેક્ટર ઍન્થની જોસેફે કહ્યું કે ‘ઑસ્કરનું શોર્ટલિસ્ટ બહાર પડ્યું છે અને અફસોસ એ વાતનો છે કે અમારી ફિલ્મ ‘2018 - એવરીવન ઇઝ અ હીરો’ વિશ્વભરની ૮૮ ઇન્ટરનૅશનલ ફિલ્મોમાંથી ફાઇનલ ૧૫માં સામેલ થઈ શકી નહીં. હું મારા શુભચિંતકો અને સપોર્ટર્સ સમક્ષ માફી માગું છું. કાંઈ વાંધો નહીં. આ સ્પર્ધામાં ભારતને રિપ્રેઝન્ટ કરવાની મારી જર્નીને હું આજીવન માણતો રહીશ.’
