Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


Food fun and filmstar Food fun and filmstar
હોમ > મનોરંજન > બૉલિવૂડ સમાચાર > આર્ટિકલ્સ > G20 સમિટમાં જોડાઈને ગર્વ અનુભવી રહી છે હિના ખાન

G20 સમિટમાં જોડાઈને ગર્વ અનુભવી રહી છે હિના ખાન

26 May, 2023 04:30 PM IST | Mumbai
Gujarati Mid-day Correspondent | feedbackgmd@mid-day.com

‘શ્રીનગરમાં આયોજિત G20 ટૂરિઝમ વર્કિંગ ગ્રુપ મીટિંગમાં જોડાવા મળ્યું એની આભારી છું. - હિના ખાન

હિના ખાન

હિના ખાન


શ્રીનગરમાં આયોજિત G20 ટૂરિઝમ વર્કિંગ ગ્રુપ મીટિંગમાં જોડાઈને હિના ખાન ગર્વ અનુભવી રહી છે. આ સમિટમાં તે ટ્રેડિશનલ લુકમાં ખૂબ સુંદર દેખાઈ રહી હતી. એ સમિટમાં તેણે સ્પીચ પણ આપી હતી. અગાઉ રામચરણે પણ આ સમિટમાં હાજરી આપી હતી. હિનાનો જન્મ અને ઉછેર કાશ્મીરમાં થયો છે. આ જ કારણ છે કે શ્રીનગરના મેયર જુનૈદ અઝીમ મટ્ટુએ તેને ખાસ આમંત્રણ આપ્યું હતું. આ સમિટમાં હિનાએ પોતાના બાળપણની યાદો વાગોળી હતી અને મનોરંજન જગત વિશે પણ અનેક વાતો કરી હતી. આ સમિટમાં હાજર અન્ય માન્યવરો સાથેનો ફોટો ઇન્સ્ટાગ્રામ પર શૅર કરીને હિનાએ કૅપ્શન આપી હતી, ‘શ્રીનગરમાં આયોજિત G20 ટૂરિઝમ વર્કિંગ ગ્રુપ મીટિંગમાં જોડાવા મળ્યું એની આભારી છું. જમ્મુ-કાશ્મીર અને દેશના યુવાનોએ સકારાત્મક દિશામાં અને રચનાત્મક વિકાસને પ્રોત્સાહન આપવા તરફ આગેકૂચ કરી છે. નયા કાશ્મીરના વિકાસની સ્ટોરી અને કાશ્મીરના યુવાનોને પ્રેરણા આપવામાં યોગદાન આપવાનો મને ગર્વ છે. મને આ તક આપવા માટે શ્રીનગરના મેયરનો આભાર. ખરા અર્થમાં સિદ્ધિ મેળવનારાઓને સરકાર દ્વારા જે રીતે નવાજવામાં આવ્યા છે એ ખરેખર પ્રેરણાદાયી છે. આશા છે કે અનેક લોકોને યોગ્ય માર્ગની પસંદગી કરવા માટે પ્રેરિત કરતી રહું. આ સુંદર પહેલ માટે મેયર, તમારો ખૂબ આભાર.’


Whatsapp-channel Whatsapp-channel

26 May, 2023 04:30 PM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK