લગ્નના 9 વર્ષ બાદ `બાગબાન` ફેમ ઍક્ટર અમન વર્મા લેશે ડિવોર્સ?

Aman Verma Divorce Rumours: `બાગબાન` ફેમ અભિનેતા અમન વર્મા અને તેમની પત્ની વંદના લાલવાણી છૂટાછેડા લેવા જઈ રહ્યા છે. 9 વર્ષના લગ્નજીવન પછી મતભેદો ઉકેલાતા ન હોવાને કારણે વંદનાએ કોર્ટમાં અરજી દાખલ કરી છે.

અમન વર્મા અને વંદના લાલવાણી

Aman Verma Divorce Rumours: ટેલિવિઝન અને ફિલ્મ ઈન્ડસ્ટ્રીના જાણીતા અભિનેતા અમન વર્મા અને તેમની પત્ની વંદના લાલવાણી 9 વર્ષના લગ્નજીવન બાદ અલગ થવાની ચર્ચા ચાલી રહી છે. અહેવાલ અનુસાર, બંને વચ્ચે લાંબા સમયથી મતભેદ ચાલી રહ્યા હતા, જેને કારણે આ નિર્ણય લેવામાં આવ્યો છે. મિડિયા અહેવાલો મુજબ, વંદનાએ કોર્ટમાં છૂટાછેડા માટે અરજી કરી છે.

લગ્ન પછીના મતભેદ અને છૂટાછેડાનો નિર્ણય
2016માં લગ્ન કર્યા બાદ આ દંપતીએ પોતાનો સંબંધ બચાવવાના અનેક પ્રયાસો કર્યા હતા. તેઓએ સમાધાન માટે વારંવાર પ્રયત્ન કર્યો હતો અને લગ્નજીવનને પુનઃસ્થાપિત કરવા માટે ફેમિલી પ્લાનિંગનો વિચાર પણ કર્યો હતો. તેમ છતાં, તેમના સંબંધોમાં સુધારો આવ્યો નહીં. પરિણામે, અંતે બંનેએ અલગ થવાનો નિર્ણય કર્યો છે.

ADVERTISEMENT

અમન વર્માનું નિવેદન અને વંદનાની મૌન પ્રતિક્રિયા
છૂટાછેડાની અફવાઓ બાબતે પૂછવામાં આવતા અમને કહ્યું કે: "હું હાલ કોઈ વાત કરવા ઈચ્છતો નથી. જે કંઈ કહેવાનું હશે, તે મારા વકીલ દ્વારા યોગ્ય સમયે જણાવવામાં આવશે." બીજી તરફ, વંદના લાલવાણીએ પણ આ મુદ્દે કોઈ નિવેદન આપ્યું નથી. તેમ છતાં, તેમના સોશિયલ મીડિયા પરની કેટલીક પોસ્ટ્સ ઈશારો આપે છે કે તેઓ માટે આ નિર્ણય સરળ નહોતો. (Aman Verma Divorce Rumours)

પ્રેમથી લગ્ન સુધીની સફર
Aman Verma Divorce Rumours: અમન અને વંદનાની મુલાકાત 2014માં ટેલિવિઝન શો `હમ ને લી હૈ - શપથ`ના શૂટિંગ દરમિયાન થઈ હતી. તેમની વચ્ચે ગાઢ મિત્રતા થઈ અને આ સંબંધ ધીમે ધીમે પ્રેમમાં પરિવર્તિત થયો. 2015માં તેઓએ સગાઈ કરી, અને 2016માં લગ્નના બંધનમાં બંધાયા. તેમના લગ્નજીવનને લઈ અમન વર્માએ એક ઈન્ટરવ્યુમાં કહ્યું હતું: "લગ્ન પછી હું એક અલગ વ્યક્તિ બની ગયો છું. હવે હું વધારે શાંત અને સ્થિર છું. હું મારી જીવનસાથી વંદનાથી ખુશ છું." 

અમન અને વંદનાની કારકિર્દી
અમન વર્મા જાણીતા ટેલિવિઝન અને ફિલ્મ અભિનેતા છે. તેમણે `સાસ ભી કભી બહુ થી`, `ખુલ્જા સિમ સિમ`, `કુમકુમ`, અને `ના આના ઇસ દેશ મેં લાડો` જેવા લોકપ્રિય શોમાં કામ કર્યું છે. અમન વર્મા મોટા પડદા પર પણ પ્રભાવશાળી અભિનેતા રહ્યા છે તેમણે  `બાગબાન`, `અંદાઝ`, `તીસ માર ખાન` જેવી ફિલ્મોમાં કામ કર્યું છે. અમન `બિગ બૉસ 9` માં સ્પર્ધક તરીકે પણ દર્શકોને જોવા મળ્યા હતા. વંદના લાલવાણી એક પ્રતિભાશાળી અભિનેત્રી છે, જેણે બાળ કલાકાર તરીકે પોતાના અભિનય કારકિર્દીની શરૂઆત કરી હતી. તેમણે `બુદ્ધ - રાજાઓ કા રાજા` અને `બાબુલ કી બિટિયા ચલી ડોલી સજાકે` જેવા શોમાં મહત્ત્વપૂર્ણ ભૂમિકા ભજવી છે. તેઓએ `બૉમ્બે` અને `યાદ રખેગી દુનિયા` જેવી ફિલ્મોમાં પણ કામ કર્યું છે.