પરેશ રાવલ સાથેનો વિવાદ પબ્લિસિટી સ્ટન્ટ નહોતો

છેલ્લા કેટલાક સમયથી અક્ષય કુમારની ફિલ્મ ‘હેરા ફેરી 3’ ચર્ચામાં છે

પરેશ રાવલ

છેલ્લા કેટલાક સમયથી અક્ષય કુમારની ફિલ્મ ‘હેરા ફેરી 3’ ચર્ચામાં છે. આ ફિલ્મમાં પહેલાં પરેશ રાવલે કામ કરવાનો ઇનકાર કર્યો હતો અને પછી મોટો કાનૂની વિવાદ ઊભો થઈ ગયો હતો. જોકે ઘણા દિવસો સુધી ચાલેલા વિવાદ બાદ નક્કી થયું કે પરેશ રાવલ આ ફિલ્મમાં કામ કરશે. હવે અક્ષય કુમારે આ ફિલ્મ વિશે મોટી સ્પષ્ટતા કરી છે. 

હાલમાં જ્યારે એક ઇન્ટરવ્યુમાં અક્ષય કુમારને સવાલ કરવામાં આવ્યો કે શું પરેશ રાવલને લઈને થયેલો વિવાદ પબ્લિસિટી સ્ટન્ટ હતો? આ પ્રશ્નના જવાબમાં અક્ષય કુમારે કહ્યું, ‘ના, એ પબ્લિસિટી સ્ટન્ટ નહોતો. બાબતો કાનૂની બની ગઈ હતી. જ્યારે કોઈ પણ બાબત કાનૂની બની જાય ત્યારે એને પબ્લિસિટી સ્ટન્ટ કહેવો શક્ય નથી. સાચે જ વિવાદ થયો હતો, હવે બધું ઠીક થઈ ગયું છે. ટૂંક સમયમાં કોઈ સારી જાહેરાત થશે. હવે બધું ઠીક છે. હવે અમે ફરીથી એકસાથે છીએ. અમે હંમેશાં એકસાથે જ હતા.’