° °

આજનું ઇ-પેપર
Thursday, 08 December, 2022


ઐશ્વર્યા દરેકનું દિલ ચોરી લે છે : વિક્રમ

28 September, 2022 03:25 PM IST | Mumbai
Gujarati Mid-day Correspondent | feedbackgmd@mid-day.com

આ બન્ને મણિ રત્નમની ‘પુનિયિન સેલ્વન 1’માં સાથે દેખાવાનાં છે

ચિયાન વિક્રમ અને ઐશ્વર્યા રાય બચ્ચન

ચિયાન વિક્રમ અને ઐશ્વર્યા રાય બચ્ચન

ચિયાન વિક્રમે ઐશ્વર્યા રાય બચ્ચનનાં ભારોભાર વખાણ કરતાં જણાવ્યું કે તે દરેકનું દિલ ચોરી લે છે. આ બન્ને મણિ રત્નમની ‘પુનિયિન સેલ્વન 1’માં સાથે દેખાવાનાં છે. આ ફિલ્મ ૩૦ સપ્ટેમ્બરે હિન્દી, તામિલ, તેલુગુ, મલયાલમ અને કન્નડમાં રિલીઝ થવાની છે. ૨૦૧૦માં આવેલી ‘રાવણ’માં ઐશ્વર્યા અને વિક્રમે સાથે કામ કર્યું હતું. હવે તેમની આ બીજી ફિલ્મ છે. ઐશ્વર્યાની પ્રશંસા કરતાં વિક્રમે કહ્યું કે ‘તે દરેકનું દિલ જીતી લે છે. પર્ફેક્શનની એક છબી છે ઍશ. અમે હંમેશાં તેની પાસેથી પ્રેરણા લઈએ છીએ. મેં તેની ફિલ્મો જોઈ છે. વાત માત્ર તેની સુંદરતાની જ નથી, તે દરેક વિષય પર અડીખમ ઊભી રહે છે. તેના જેવા બનવું અઘરું છે. તેના પર હંમેશાં લોકોનું ધ્યાન હોય છે. તેને હંમેશાં પર્ફેક્ટ રહેવું પડે છે. તેની દરેક વસ્તુમાં સ્ટાઇલ હોય છે. તેનામાં રહેલો આત્મવિશ્વાસ, તેની ભવ્યતાનો હું અનુભવ કરું છું. તમે ચેન્નઈ જાઓ કે પછી સાઉથ ઇન્ડિયાના કોઈ પણ શહેરમાં જાઓ તો ત્યાંના જ્વેલરી સ્ટોર્સ અને સાડીના સ્ટોર્સમાં તમને તેનો ફોટો અચૂક દેખાશે. છેવટે મેં જ્યારે તેની સાથે કામ કર્યું તો મને તેની પ્રોફેશનલ સાઇડ પણ જોવા મળી. હું ખરેખર લકી છું કે મને તેની સાથે કામ કરવાની તક મળી. તેની સાથે કામ કરવાની ખૂબ મજા આવી. એ કેમિસ્ટ્રીને મેં એન્જૉય કરી. અમારા ફૅન્સ અમને કહે છે કે તમને સાથે જોવાં સારું લાગે છે. જોકે ફિલ્મોમાં હું તેને પામી નથી શકતો.’

એક સમય એવો પણ આવ્યો હતો જ્યારે ઐશ્વર્યાને ડાન્સ કરતી જોઈને વિક્રમ એમાં ગુમ થઈ ગયો હતો. એ વિશે એકરાર કરતાં વિક્રમે કહ્યું કે ‘તે જ્યારે શૂટ કરી રહી હતી. મને લાગે છે કે મારા હાથમાં વાઇનનો ગ્લાસ હતો. તે ડાન્સ કરી રહી હતી અને હું તેને જોઈ રહ્યો હતો. શૉટ રેડી હતો. અચાનક મને એહસાસ થયો કે મારે પણ કંઈક તો કરવાનું હતું. ખરેખર એ વખતે હું પોતે મારા શૉટને ભૂલી ગયો હતો. આ મારું એક પ્રામાણિક કન્ફેશન છે.’

28 September, 2022 03:25 PM IST | Mumbai | Gujarati Mid-day Correspondent

અન્ય લેખો

બૉલિવૂડ સમાચાર

Ganesh Acharya: કોરિયોગ્રાફર ગણેશ આચાર્ય વિરુદ્ધ લખનઉમાં એફઆઇઆર દાખલ

ગણેશ આચાર્યને (Ganesh Acharya) ગોમતીનગર પોલીસે (Gomtinagar Police) દગાખોરી (Fraud) અને ષડયંત્ર મામલે આરોપી ઠેરવ્યા છે. 31 ઑક્ટોબરના ગોમતીનગર થાણામાં દાખલ એફઆઇઆરમાં (FIR) ગણેશ આચાર્યનું (Ganesh Acharya) નામ પણ નોંધવામાં આવ્યું છે.

07 December, 2022 09:54 IST | Mumbai | Gujarati Mid-day Online Correspondent
બૉલિવૂડ સમાચાર

પ્રમોશન માટે કંઈ પણ..!અભિનેત્રીના પગનું મસાજ કરતા રામ ગોપાલ વર્માનો ફોટો વાયરલ

આ દરમિયાન રામ ગોપાલ વર્માનો એક ફોટો સોશિયલ મીડિયા પર વાયરલ થઈ રહ્યો છે જેમાં તે ફિલ્મની એક્ટ્રેસ આશુ રેડ્ડીના પગનું મસાજ કરતા જોવા મળી રહ્યા છે.

07 December, 2022 07:31 IST | Mumbai | Gujarati Mid-day Online Correspondent
બૉલિવૂડ સમાચાર

ડાન્સ સે નહીં, ડાયલૉગ સે ડર લગતા હૈ: મલાઇકા

મલાઇકા અરોરાનું કહેવું છે કે તેને ડાયલૉગથી હંમેશાં ડર લાગે છે. તેણે હિન્દી ફિલ્મોમાં ઘણા યાદગાર ડાન્સ નંબર આપ્યા છે.

07 December, 2022 06:49 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK