જ્યારથી રાખી અને આદિલના લગ્નની તસવીરો મીડિયામાં આવી, ત્યારથી જ રાખી અને આદિલના લગ્ન થયા કે નહીં તે અંગે સસ્પેન્સ હતું
રાખી સાવંતનું ઇન્સ્ટાગ્રામ એકાઉન્ટ
ડ્રામા ક્વીન રાખી સાવંત (Rakhi Sawant)ના જીવનમાં ફરી એકવાર ટ્વિસ્ટ આવ્યો છે, પરંતુ આ વખતે આ ટ્વિસ્ટે તેને દુઃખના નહીં પણ ખુશીના આંસુ આપ્યા છે. તે લાંબા સમયથી જે ઇચ્છતી હતી તે આખરે થયું છે. રાખી અને આદિલ (Adil Durrani)ના લગ્નને લઈને ઘણા દિવસોથી ચાલી રહેલા હોબાળા પર આખરે પૂર્ણવિરામ આવી ગયું છે. તમામ ડ્રામાનો અંત લાવી હવે આદિલે પણ તેના લગ્ન સ્વીકારી લીધા છે.
આદિલે પણ રાખીને સ્વીકારી
ADVERTISEMENT
છેલ્લા ઘણા દિવસોથી સોશિયલ મીડિયા પર રાખી સાવંતના ઘણા વીડિયો વાયરલ થઈ રહ્યા છે, જેમાં તે રડતી જોવા મળી રહી છે. જ્યારથી રાખી અને આદિલના લગ્નની તસવીરો મીડિયામાં આવી, ત્યારથી જ રાખી અને આદિલના લગ્ન થયા કે નહીં તે અંગે સસ્પેન્સ હતું. કારણ કે રાખીએ તેના ઈન્સ્ટાગ્રામ પર ઓફિશિયલ જાહેરાત કરી હતી, પરંતુ આદિલ હજુ પણ કંઈપણ કહેવાનું ટાળી રહ્યો હતો.
પરંતુ હવે તે સસ્પેન્સ પણ સમાપ્ત થઈ ગયું છે. આદિલે તેના સોશિયલ મીડિયા હેન્ડલ પર એક પોસ્ટ શેર કરીને સત્તાવાર જાહેરાત કરી છે. આદિલે રાખી સાથેના નિકાહનો ફોટો શેર કર્યો અને કેપ્શન લખ્યું “તો હવે હું આખરે આ ઓફિશિયલ જાહેરાત કરી રહ્યો છું. મેં ક્યારેય નથી કહ્યું કે મેં તારી સાથે રાખી સાથે લગ્ન કર્યા નથી. પણ મારે કેટલીક બાબતો સંભાળવી હતી, તેથી ચૂપ રહેવું પડ્યું. અમને બંનેને લગ્નની શુભકામનાઓ. આ સાથે આદિલે રાખીનું પ્રેમથી પપ્પુડી નામ પણ લખ્યું હતું.”
આદિલની આ પોસ્ટ પર રાખી સાવંતે પણ તરત જ પ્રતિક્રિયા આપી હતી. તેણે લખ્યું કે “આભાર પ્રિય, ખૂબ પ્રેમ.” તે જ સમયે, ઘણા સેલેબ્સે પણ પોતાનો પ્રેમ વ્યક્ત કર્યો અને નવા પરિણીત યુગલને અભિનંદન આપ્યા. ચાહકોએ પણ રાખી અને આદિલને લગ્ન માટે શુભેચ્છા પાઠવી હતી.
એવું કહેવામાં આવી રહ્યું છે કે રાખી અને આદિલના લગ્ન 7 મહિના પહેલા થયા હતા, પરંતુ રાખીના બિગ બોસ મરાઠીમાં ગયા પછી આદિલનું અફેર કોઈ અન્ય સાથે થયું, જેના કારણે રાખીએ લગ્નની વાત બધાની સામે જાહેર કરવી પડી, પરંતુ આદિલે આ બાબતે મૌન સેવ્યું હતું. રાખી અને આદિલના નિકાહ થયા હતા. આ માટે રાખીએ ધર્મ પરિવર્તન કરીને પોતાનું નામ ફાતિમા રાખ્યું હતું.
આ પણ વાંચો: Critics Choice Awards 2023:RRR ફિલ્મનો ફરી વિશ્વ સ્તર પર પડઘો,સિદ્ધ કર્યો અવૉર્ડ
હાલમાં જ દુબઈમાં એક ઈવેન્ટ દરમિયાન બંનેને એકસાથે સ્પોટ કરવામાં આવ્યા હતા, ત્યારે લોકો વધુ મૂંઝાઈ ગયા કે શું થઈ રહ્યું છે. કારણ કે હાલમાં જ રાખી પાપારાઝીની સામે રડતી જોવા મળી હતી, પરંતુ હવે બંને ઈવેન્ટમાં સાથે ડાન્સ અને ગીતો ગાતા જોવા મળ્યા છે, પરંતુ હવે આખરે બધું બરાબર થઈ રહ્યું હોય તેવું લાગી રહ્યું છે. આદિલની પોસ્ટે તમામ મૂંઝવણો દૂર કરી દીધી છે અને કપલ હવે સાથે છે.
