° °

આજનું ઇ-પેપર
Tuesday, 06 December, 2022


એક હતી શ્રદ્ધા : લિવ-ઇન રિલેશનશિપ પર વહેલી તકે બૅન આવે એ આજની તાતી જરૂરિયાત છે

23 November, 2022 10:17 AM IST | Mumbai
Manoj Joshi | manoj.joshi@mid-day.com

આ લિવ-ઇન રિલેશનશિપ પુરુષને જવાબદારી વગર સ્ત્રી પ્રાપ્ત કરાવ દે છે તો એવી જ રીતે સ્ત્રીને પણ પરપુરુષનો સંગાથ પ્રાપ્ત થઈ જાય છે

એક હતી શ્રદ્ધા : લિવ-ઇન રિલેશનશિપ પર વહેલી તકે બૅન આવે એ આજની તાતી જરૂરિયાત છે મેરે દિલ મેં આજ ક્યા હૈ?

એક હતી શ્રદ્ધા : લિવ-ઇન રિલેશનશિપ પર વહેલી તકે બૅન આવે એ આજની તાતી જરૂરિયાત છે

ખરેખર તો લિવ-ઇન રિલેશનમાં રહેવાના આ કન્સેપ્ટમાં જ ખોટ છે, એની નિયતમાં જ અવિશ્વાસ છે. આ સ્વાર્થ અને લિબર્ટીની એક દુકાન છે. જ્યાં રહેવાનો, જમવાનો, કૅબનો ખર્ચો બચાવવાનો હેતુ છે અને સાથોસાથ રોજ નિઃશુલ્ક સેક્સ મળવાનું બોનસ છે. ખરેખર આ લિવ-ઇન રિલેશનશિપના કન્સેપ્ટને આજની આ નવી જનરેશનના મનમાંથી કાઢવાની જરૂર છે. બહુ વખત પહેલાં એક વાર કહ્યું હતું કે દરેક વખતે મૉડર્નાઇઝેશનને અપનાવવાની જરૂર નથી હોતી. ઘણી વાર ઑર્થોડોક્સ માનસિકતા પણ સુખદાયી હોય છે.

લિવ-ઇન રિલેશનશિપને કારણે નવી પેઢીના પુરુષો અને સ્ત્રીઓને ઘણું બધું જવાબદારી વિના પ્રાપ્ત થઈ જાય છે અને જીવનમાં જવાબદારી અનિવાર્ય છે. આ લિવ-ઇન રિલેશનશિપ પુરુષને જવાબદારી વગર સ્ત્રી પ્રાપ્ત કરાવ દે છે તો એવી જ રીતે સ્ત્રીને પણ પરપુરુષનો સંગાથ પ્રાપ્ત થઈ જાય છે. આ લિવ-ઇન રિલેશનશિપનો સૌથી મોટો પ્લસ પૉઇન્ટ એ કે તમે સંબંધોની ગરિમા જાળવ્યા વિના છૂટા પડી જાઓ તો પણ ચાલે અને તમે જેને પ્રેમ કરો એ માણસના ૩૬ ટુકડા કરવાનો જીવ પણ ચાલે!

હું કહીશ કે જેમ દશકાઓ પહેલાં આવેલા મૈત્રીકરાર સમાજ માટે જોખમી હતા, જેમ મુસ્લિમોનાં ચાર નિકાહ હિન્દુસ્તાની સમજ માટે જોખમી છે એવી જ રીતે આ લિવ-ઇન રિલેશનશિપ પણ આપણા દેશમાં જોખમી છે. આપણે અમેરિકા નથી એ સમજવાનો સમય આવી ગયો છે અને એ સમજાવવા માટે એક શ્રદ્ધા સાથે જે ઘટના ઘટી ત્યાં જ આપણે અટકી જઈએ અને એના પરથી જે ઉદાહરણો લેવાનાં હોય એ લઈ લઈએ.

આજના આ દિવસે મને મૉડર્ન બનતી જતી આજની જનરેશનને પણ કહેવું છે કે થોડા ધીમા પડો અને થોડી વાસ્તવિકતાને સમજો. સમજો કે જીવનમાં કશું જ જવાબદારી વિના મળતું નથી અને જ્યાં જવાબદારી નથી હોતી ત્યાં કોઈ લાયકાત જોવામાં નથી આવી હોતી. જો તમને કોઈ સ્ત્રી (કે પુરુષ) પાર્ટનર મળી જાય તો મનથી મક્કમ થઈને તમારા પારિવારિક સંસ્કારોને યાદ કરો. દીકરીઓને પણ આ જ વાત કહેવાની અને કહેવાનું કે દરેક વખતે એવું માનવાની જરૂર નથી કે તમે શાણી છો.

ના, નથી. તમારાં માબાપે તડકામાં વાળ સફેદ નથી કર્યાં એ યાદ રાખવું ખૂબ જ જરૂરી છે અને એટલું જ અનિવાર્ય છે. આજની દીકરીઓને પૂછો તો દરેકના મોઢે એક જ વાત હોય છે કે હશે એવું, પણ મારા બૉયફ્રેન્ડને એ વાત લાગુ નથી પડતી.

શ્રદ્ધાને જ્યારે પેલો નરાધમ આફતાબ ફટકારતો હતો ત્યારે શ્રદ્ધાને પણ પોતાના એ જ શબ્દો કાનમાં ગુંજતા હશે : ‘મેરા વાલા અલગ હૈ.’ 

આવું સમજનારી, આવું માનનારી છોકરીઓ માટે શ્રદ્ધા સાથે ઘટેલી ઘટના લાલબત્તી સમાન છે અને જો આ લાલબત્તી તે હજી પણ જોઈ ન શકી હોય તો તેની સામે આ લાલબત્તી લઈ આવવાનું કામ માબાપે કરવું પડશે. માબાપે આ દીકરીઓને સમજાવવું પડશે કે વધારે પડતા ઉછાછળાપણું દેખાડવાને બદલે બહેતર છે કે જીવનમાં થોડો ઠહરાવ લાવે. હું કહીશ કે અનેક માબાપ એવાં હશે જેના સુધી આ પેપર નહીં પહોંચતું હોય, પણ મારી બે હાથ જોડીને વિનંતી છે કે જો તમે એવાં માબાપને ઓળખતાં હો જેને દીકરી હોય તો પ્લીઝ, તેને આ આર્ટિકલ ફૉર્વર્ડ કરજો, મોકલજો. જેથી વધુ એક શ્રદ્ધાના સમાચાર આપણે વાંચવા કે સાંભળવા ન પડે.

23 November, 2022 10:17 AM IST | Mumbai | Manoj Joshi

અન્ય લેખો

રાજ કરવું ઉત્તમ છે, પણ રાજ હાથમાં રાખવા માટે નીતિ બદલવી એ હીન પ્રકૃતિ

રાજનીતિ એટલે નીતિ સાથે આગળ વધવામાં આવતી એક પ્રક્રિયા અને રાજકારણ એટલે રાજ કરવા માટે શોધવામાં આવતાં કારણો અને એ કારણોને યોગ્ય ઠરાવવાની પ્રક્રિયા.

05 December, 2022 02:13 IST | Mumbai | Manoj Joshi

વારુ ત્યારે કહો જોઈએ, વાંચવું સારું કે પછી દૃશ્ય જોવાથી જ્ઞાનમાં વૃદ્ધિ થાય?

ખરેખર શું સારું, વાંચવું કે જોવું? મારો જવાબ છે વાંચવું અને આવું હું માનું છું એની પાછળ મારું પોતાનું લૉજિક પણ છે અને એ લૉજિકના આધારે જ કહું છું કે વાંચવાથી કલ્પનાશક્તિ એટલે કે ઇમેજિનેશન ખીલે છે.

04 December, 2022 10:06 IST | Mumbai | Manoj Joshi

તમે કેટલા માર્કે પાસ થયા છો, ૩૫ કે ૬૫?

આખા દેશમાં એકેય દિવસ ચૂંટણી વિનાનો ગયો હોય એવું બનતું નથી. ક્યાંક મ્યુનિસિપાલિટીની, ક્યાંક જિલ્લા પંચાયતની, ક્યાંક વિધાનસભા કે લોકસભાની ચૂંટણી કે પેટાચૂંટણી સતત ચાલતી હોય છે.

03 December, 2022 09:26 IST | Mumbai | Dr. Dinkar Joshi

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK