સ્ટેટ બૅન્ક ઑફ ઇન્ડિયાએ તાજતેરમાં ઇકોરેપના રિપોર્ટમાં જણાવ્યું હતું કે ટેક્નૉલૉજીએ ભારતીયોને પેમેન્ટ પદ્ધતિમાં મોટી ફેરબદલ કરી છે
પ્રતીકાત્મક તસવીર (સૌજન્ય : આઇસ્ટૉક)
૨૦ વર્ષમાં પહેલી વાર દિવાળીના સમયમાં પણ રોકડ ચલણમાં ઘટાડો નોંધાયો છે. સ્ટેટ બૅન્ક ઑફ ઇન્ડિયાએ તાજતેરમાં ઇકોરેપના રિપોર્ટમાં જણાવ્યું હતું કે ટેક્નૉલૉજીએ ભારતીયોને પેમેન્ટ પદ્ધતિમાં મોટી ફેરબદલ કરી છે. કૅશ પર આધારિત ઇકૉનૉમી હવે સ્માર્ટફોન પર આધારિત ઇકૉનૉમી બની ગઈ છે. ગ્રુપ ચીફ ઇકૉનૉમિક ઍડ્વાઇઝર સૌમ્ય કાન્તિ ઘોષ દ્વારા લખવામાં આવેલા અહેવાલમાં જણાવાયું છે કે ‘ડિજિટલ ઇકૉનૉમી બનાવવા માટે સરકાર દ્વારા કરવામાં આવેલા સતત પ્રયાસોનું જ આ પરિણામ છે. વળી યુપીઆઇ, વૉલેટ અને પીપીઆઇએસ જેવી ઇન્ટરઑપરેબલ પેમેન્ટ સિસ્ટમને કારણે ડિજિટલ પદ્ધતિથી નાણાં મોકલવાનું સરળ અને સસ્તું બન્યું હતું. વળી જેમની પાસે બૅન્ક-અકાઉન્ટ પણ નથી તેઓ પણ એનો ઉપયોગ કરી શકતા હતા. ક્યુઆર કોડ અને એનએફસી જેવી શોધને કારણે આ સિસ્ટમ વધુ ઝડપી બની.’ ડિજિટલ પેમેન્ટમાં વધારો રિઝર્વ બૅન્ક અને સરકાર બન્ને માટે ફાયદાકારક રહ્યો છે.
