કંપનીની 48મી વાર્ષિક સામાન્ય સભા (AGM)માં મુકેશ અંબાણી દ્વારા આ જાહેરાત કરવામાં આવી હતી. આ IPO ભારતના ઇતિહાસમાં સૌથી મોટા શૅર બજાર લિસ્ટિંગમાંનો એક હોઈ શકે છે, જે રિટેલ રોકાણકારોને ઝડપથી વિકસતા ડિજિટલ વ્યવસાયમાં રોકાણ કરવાની તક આપે છે.
જિયો
ભારતની સૌથી અગ્રણી ટૅલિકોમ સર્વિસ કંપની 27 ડિસેમ્બર 2015માં લૉન્ચ થઈ હતી. ભારતમાં ઇન્ટરનેટ ક્રાંતિ લાવનાર જિયો (JIO) હવે પોતાનો IPO લૉન્ચ કરે તેવી જાહેરાત કરવામાં આવી છે. રિલાયન્સ ઇન્ડસ્ટ્રીઝની આજે AGM હતી. આ દરમિયાન એક મોટી જાહેરાતમાં, ચૅરમૅન મુકેશ અંબાણીએ જાહેર કર્યું કે રિલાયન્સ જિયો પ્લેટફોર્મ્સ 2026 ના પહેલા ભાગમાં શૅર બજારમાં લિસ્ટેડ થશે, જેનાથી રોકાણકારોને ઇન્વેસ્ટ કરવાની એક મોટી નવી તક મળશે.
Jio IPO 2026 માટે પુષ્ટિ
ADVERTISEMENT
રિલાયન્સ ઇન્ડસ્ટ્રીઝ (RIL) 2026 ના પહેલા ભાગમાં તેમની ડિજિટલ બ્રાન્ચ Jio પ્લેટફોર્મ્સનો IPO લૉન્ચ કરવાની યોજના ધરાવે છે. કંપનીની 48મી વાર્ષિક સામાન્ય સભા (AGM)માં મુકેશ અંબાણી દ્વારા આ જાહેરાત કરવામાં આવી હતી. આ IPO ભારતના ઇતિહાસમાં સૌથી મોટા શૅર બજાર લિસ્ટિંગમાંનો એક હોઈ શકે છે, જે રિટેલ રોકાણકારોને ઝડપથી વિકસતા ડિજિટલ વ્યવસાયમાં રોકાણ કરવાની તક આપે છે.
500 મિલિયનથી વધુ વપરાશકર્તાઓ, મજબૂત વૃદ્ધિ
Jio પાસે હવે 500 મિલિયનથી વધુ ગ્રાહકો છે, જે યુએસએ, યુકે અથવા ફ્રાન્સ જેવા દેશોની વસ્તી કરતા વધુ છે. નાણાકીય વર્ષ 2025 માં, કંપનીએ મજબૂત EBITDA પ્રદર્શન સાથે રૂ. 1.28 લાખ કરોડની આવક મેળવી હતી. Jio એ 5G નેટવર્ક્સ, ફિક્સ્ડ બ્રોડબેન્ડ અને આર્ટિફિશિયલ ઇન્ટેલિજન્સ ટૅકનોલૉજીમાં મોટા પાયે રોકાણ કર્યું છે, જેના કારણે તે ભારતના ડિજિટલ અર્થતંત્રમાં મુખ્ય ખેલાડી બની ગયું છે.
1/n 48th Annual General Meeting (Post-IPO) of Reliance Industries Limited (RIL) begins. Shri Mukesh Ambani, Chairman and Managing Director, Reliance Industries Limited, welcomes all the shareholders.#RILAGM
— Reliance Industries Limited (@RIL_Updates) August 29, 2025
અપેક્ષિત મૂલ્યાંકન: રૂ. 12-13 લાખ કરોડ
બજારના નિષ્ણાતોના મતે, Jio ના IPO થી કંપનીનું મૂલ્ય લગભગ રૂ. 12થી 13 લાખ કરોડ થઈ શકે છે. આનાથી તે ભારતીય બજારમાં અગાઉના IPO રેકોર્ડને તોડી શકે તેવી મોટી લિસ્ટિંગ બની શકે છે. બ્રોકરેજ કંપનીઓએ કહ્યું છે કે Jio અને Reliance Retail લિસ્ટિંગથી રિલાયન્સના શૅર ધારકો માટે વધુ મૂલ્ય અનલોક કરવામાં મદદ મળશે.
એક ઐતિહાસિક ઑફર
મુકેશ અંબાણીએ કહ્યું કે Jio IPO વૈશ્વિક સ્તરે મૂલ્ય-અનલોકિંગ ઘટના હશે. વિશ્લેષકો માને છે કે તે ફક્ત (રિલાયન્સ ઇન્ડસ્ટ્રીઝ) RIL શૅર ધારકોને જ નહીં પરંતુ ભારતીય શૅર બજારો માટે એક નવો વૈશ્વિક બૅન્ચમાર્ક પણ સ્થાપિત કરશે. Jio ના ઝડપી 5G ડિપ્લોયમેન્ટ, જે વૈશ્વિક સ્તરે સૌથી ઝડપી છે, એ ભારતમાં આર્ટિફિશિયલ ઇન્ટેલિજન્સ ક્રાંતિનો પાયો નાખ્યો છે. "Jioના રાષ્ટ્રવ્યાપી 5G રોલઆઉટ, જે વિશ્વમાં સૌથી ઝડપી છે, એ ભારતમાં AI ક્રાંતિનો પાયો નાખ્યો છે," તેમણે કહ્યું. અંબાણીએ Jio ના મજબૂત નાણાકીય પ્રદર્શન પર પણ ભાર મૂક્યો. નાણાકીય વર્ષ 2024-25 માટે, Jio એ રૂ. 128,218 કરોડની આવક નોંધાવી, જે વાર્ષિક ધોરણે 17 ટકા વૃદ્ધિ દર્શાવે છે અને રૂ. 64,170 કરોડનો EBITDA નોંધાવ્યો છે.
