IPL 2020: રોહિત ફિટ અને ઉપલબ્ધ છે એ ભારતીય ક્રિકેટ માટે સારી વાત : સુનીલ ગાવસકર

Published: 5th November, 2020 15:31 IST | PTI | Dubai

આઇપીએલ દરમિયાન રોહિતને પંજાબ સામેની મૅચમાં હેમસ્ટ્રિંગ ઇન્જરી થઈ હતી, જેના બાદ તે મંગળવારે હૈદરાબાદ સામેની મૅચમાં રમતો જોવા મળ્યો હતો.

સુનીલ ગાવસકર
સુનીલ ગાવસકર

ઇન્ડિયન ક્રિકેટ ટીમના ભૂતપૂર્વ કૅપ્ટન સુનીલ ગાવસકરે રોહિત શર્માના ઑસ્ટ્રેલિયા ટૂર પહેલાં ફિટ અને અવેલેબલ હોવાના સમાચારને ઇન્ડિયન ક્રિકેટ ટીમ માટે સુખદ અને સારા ગણાવ્યા છે. આઇપીએલ દરમિયાન રોહિતને પંજાબ સામેની મૅચમાં હેમસ્ટ્રિંગ ઇન્જરી થઈ હતી, જેના બાદ તે મંગળવારે હૈદરાબાદ સામેની મૅચમાં રમતો જોવા મળ્યો હતો.
રોહિતના ફિટ હોવાના સમાચાર પર પ્રતિક્રિયા આપતાં ગાવસકરે કહ્યું કે ‘રોહિતની ઈજા વિશે પહેલાં જે પણ કહેવાયું છે એને બાજુમાં રાખીને કહું તો ઇન્ડિયન ક્રિકેટ માટે એ સારા સમાચાર છે કે રોહિત શર્મા ફિટ છે. ચાહકો દ્વારા તેના માટે કરવામાં આવેલી ચિંતા વાજબી છે કે તેણે મેદાનમાં આવવા માટે ઉતાવળ ન કરવી જોઈએ. પણ તે કૉન્ફિડન્ટ દેખાઈ રહ્યો છે. ૩૦ યાર્ડ સર્કલની અંદર અને બાઉન્ડરી લાઇન પાસે તે ફીલ્ડિંગ કરતો જોવા મળે છે. તે પોતે ફિટ છે એ બતાવવા માટે મૅચ રમ્યો હતો, પણ જો ભારતીય ક્રિકેટ બોર્ડ તેની ફિટનેસ ટેસ્ટ ફરીથી કરવા માગે છે તો એમાં કંઈ ખોટું નથી, કારણ કે તેઓ તપાસવા માગે છે કે તે સંપૂર્ણ રીતે ફિટ છે કે નથી. મારા ખ્યાલથી તેને મોનિટર કરવામાં આવશે.’

 

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK