બટલર અને વૉક્સનો દબદબો
વૉક્સ અને બટલર
પાકિસ્તાન સામેની પહેલી ટેસ્ટ મૅચ ઇંગ્લૅન્ડ જીતે એના ચાન્સ વધી ગયા છે. ઇંગ્લૅન્ડની બીજી ઇનિંગમાં જોસ બટલર અને ક્રિસ વૉક્સની જોડીએ પાકિસ્તાનને ટેન્શનમાં મૂકી દીધા છે. ઇંગ્લૅન્ડે ચોથા દિવસે ત્રીજા સેશનમાં પાંચ વિકેટે ૨૩૦ રન કર્યા હતા. બટલર ૫૭ અને વૉક્સ ૬૪ રન કરીને હજી રમી રહ્યા છે. પાકિસ્તાન બીજી ઇનિંગમાં ૧૬૯ રનમાં ઑલઆઉટ થઈ ગયું હતું. આ ઇનિંગમાં સ્ટુઅર્ટ બ્રૉડે ત્રણ વિકેટ લીધી હતી તેમ જ બેન સ્ટોક્સ અને ક્રિસ વૉક્સે બે-બે વિકેટ લીધી હતી. પાકિસ્તાનમાં યાસિર શાહના ૩૩ રનથી વધુ એક પણ પ્લેયર સ્કોર નહોતો કરી શક્યો. જોકે પાકિસ્તાનના બોલરે પણ બીજી ઇનિંગમાં ઇંગ્લૅન્ડે શરૂઆતમાં ખૂબ જ હેરાન કર્યા હતા. યાસિર શાહે ૩૩ રન કરવાની સાથે બે વિકેટ પણ લીધી હતી. ઇંગ્લૅન્ડને હવે જીતવા માટે ફક્ત ૪૭ રનની જરૂર છે.
