ફ્રેન્ચ ઓપનમાં બોપન્ના પ્રી-ક્વૉર્ટરમાં : રામકુમાર જીત્યા પછી હાર્યો
સાનિયા મિક્સ્ડ ડબલ્સના બીજા રાઉન્ડમાં
ADVERTISEMENT
જોકે રામકુમાર રામનાથન બુધવારે ગ્રૅન્ડ સ્લૅમની પ્રથમ મૅચ જીત્યા બાદ ગઈ કાલે બીજા મુકાબલામાં હારી ગયો હતો. ડબલ્સમાં તેણે અને અમેરિકાના હન્ટર રીસે જર્મનીના ડેનિયલ ઑલ્ટમેઇર અને ઑસ્કર ઑટેને ૭-૪, ૬-૩થી હરાવીને બીજા રાઉન્ડમાં પ્રવેશ કર્યો હતો, પરંતુ ગઈ કાલે રામનાથન-રીસની જોડી બ્રિટન-નેધરલૅન્ડ્સના નીલ સ્કપ્સ્કી અને વેસ્લી કૂલ્હોફ સામે ૩-૬, ૨-૬થી હારી ગઈ હતી.
7
ફ્રેન્ચ ઓપનના મહિલા વર્ગમાં કુલ ૧૨માંથી આટલી સીડેડ ખેલાડીઓ પહેલા બે રાઉન્ડમાં હારી ગઈ છે.
ભૂતપૂર્વ નંબર-વન પ્લિસકોવા ૨૨૭મા ક્રમની પ્લેયર સામે હારી ગઈ
ભૂતપૂર્વ વર્લ્ડ નંબર-વન અને ગયા વર્ષની વિમ્બલ્ડનની રનર-અપ કૅરોલિના પ્લિસકોવા ગઈ કાલે અપસેટનો શિકાર બની હતી. તેને વિશ્વમાં ૨૨૭મી રૅન્ક ધરાવતી અને વાઇલ્ડ-કાર્ડ તરીકે આ સ્પર્ધામાં પ્રવેશેલી ફ્રાન્સની લીઓલિનાએ ૬-૨, ૬-૨થી હરાવી હતી.
પુરુષોની સિંગલ્સમાં વર્લ્ડ નંબર-ટૂ રશિયાના ડેનિલ મેડવેડેવે સર્બિયાના લેસ્લો ડિયેરેને ૬-૩, ૬-૪, ૬-૩થી હરાવીને ત્રીજા રાઉન્ડમાં એન્ટ્રી કરી હતી.
સર્બિયાના વર્લ્ડ-નંબર વન નોવાક જૉકોવિચે બુધવારે બીજા રાઉન્ડમાં સ્લોવેકિયાના ઍલેક્સ મૉલ્કનને સેકન્ડ રાઉન્ડમાં ૬-૨, ૬-૩, ૭-૪થી હરાવીને થર્ડ રાઉન્ડમાં પ્રવેશ કર્યો હતો.