° °

આજનું ઇ-પેપર
Wednesday, 08 December, 2021


પંકજ અડવાણી પહેલું વર્લ્ડ ટાઇટલ જીત્યો એ જ તારીખે વિશ્વસ્પર્ધા માટે થયો ક્વૉલિફાય

26 October, 2021 04:12 PM IST | New Delhi | Gujarati Mid-day Correspondent

ઑક્ટોબર ૨૦૦૩ની ફાઇનલમાં પાકિસ્તાની હરીફને હરાવેલો : આદિત્ય મહેતા પણ વિશ્વસ્પર્ધામાં રમશે

વિશ્વસ્પર્ધા માટે ક્વૉલિફાય થયેલો પંકજ અડવાણી

વિશ્વસ્પર્ધા માટે ક્વૉલિફાય થયેલો પંકજ અડવાણી

વર્લ્ડ નંબર-વન સ્નૂકર અને બિલિયર્ડ્સ ખેલાડી પંકજ અડવાણીએ ગોરેગામની જીએસસી વર્લ્ડ સ્નૂકર ક્વૉલિફાયર્સમાં પોતાની તમામ મૅચો જીતીને સર્વોચ્ચ સ્થાન મેળવ્યું છે, જ્યારે નૅશનલ ચૅમ્પિયન આદિત્ય મહેતા બીજા સ્થાને રહ્યો છે. ૨૦૦૩માં ૧૮ વર્ષની નાની ઉંમરે વિશ્વસ્પર્ધાઓ જીતવાની શરૂઆત કરનાર અને ૨૩ ઑક્ટોબરે (શનિવારે) પૂરી થયેલી ગોલ્ડન કરીઅરનાં ૧૮ વર્ષમાં કુલ ૨૪ વર્લ્ડ ટાઇટલ જીતનાર ભારતીય ક્યુ સ્પોર્ટ્સના ૩૬ વર્ષના ગોલ્ડન બૉય અડવાણીએ મુંબઈની સ્પર્ધામાં બધી ૧૨ મૅચ જીતી લીધી હતી અને કુલ ૧૦,૭૬૦ પૉઇન્ટ મેળવ્યા હતા. આદિત્ય મહેતા ચાર મૅચ જીત્યો અને બે મૅચ હાર્યો એ સાથે તેના ૧૦,૧૫૬ પૉઇન્ટ થતાં બીજા નંબરે રહ્યો હતો. લક્ષ્મણ રાવત (૯૩૯૬) ત્રીજા સ્થાને હતો.

અડવાણીએ ૨૦૦૩માં સ્નૂકરનું પ્રથમ વર્લ્ડ ટાઇટલ મેળવ્યું એને ગઈ કાલે ૧૮ વર્ષ પૂરાં થયાં હતાં. ત્યારે તે ચીનમાં પાકિસ્તાની હરીફને પરાજિત કરીને ટાઇટલ જીત્યો હતો. ખુદ અડવાણીએ ગઈ કાલે જણાવ્યું હતું કે ‘હું ૨૦૦૩માં જે તારીખે (પચીસમી ઑક્ટોબરે) પહેલું વર્લ્ડ ટાઇટલ જીતેલો એ જ તારીખે અત્યારે (૨૫ ઑક્ટોબર, ૨૦૨૧) હું દોહાની વિશ્વસ્પર્ધા માટે ક્વૉલિફાય થયો એ બદલ ખૂબ રોમાંચિત છું.’

બૅન્ગલોરનો અડવાણી અને મુંબઈનો આદિત્ય દોહામાં આવતા મહિને અથવા ડિસેમ્બરમાં યોજાનારી વર્લ્ડ સ્નૂકર ચૅમ્પિયનશિપ માટે ભારત વતી ભાગ લેવા ક્વૉલિફાય થઈ ગયા છે. મુંબઈની એક મૅચમાં અડવાણીએ આદિત્યને ૪-૧થી હરાવ્યો હતો.

26 October, 2021 04:12 PM IST | New Delhi | Gujarati Mid-day Correspondent

અન્ય લેખો

અન્ય સ્પોર્ટ્સ

ન્યુઝ શોર્ટમાં : એક ક્લિકમાં વાંચો રમત જગતના સમાચાર

રશિયા ૧૫ વર્ષે ફરી ડેવિસ કપ ચૅમ્પિયન; વિલિયમસન માટે કોણીની સર્જરી એકમાત્ર વિકલ્પ;

07 December, 2021 03:05 IST | New Delhi | Gujarati Mid-day Correspondent
અન્ય સ્પોર્ટ્સ

ઈપીએલમાં ચેલ્સી અને લિવરપુલ પછી હવે મૅન્ચેસ્ટર સિટી મોખરે

એક દિવસમાં વારાફરતી ત્રણ ટીમ ટોચ પર જોવા મળી

06 December, 2021 01:20 IST | New Delhi | Gujarati Mid-day Correspondent
અન્ય સ્પોર્ટ્સ

ન્યુઝ શોર્ટમાં : એક ક્લિકમાં વાંચો રમત જગતના સમાચાર

૧૧૦ વર્ષનાં ઓલ્ડેસ્ટ ટેસ્ટ-ક્રિકેટરનું નિધન; હૉકીમાં ભારતની મહિલા ટીમ ૧૩-૦થી જીતી ગઈ અને વધુ સમાચાર

06 December, 2021 12:49 IST | New Delhi | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK