વિશ્વભરમાં ભારત દેશનું ગૌરવ વધારનાર ઓલિમ્પિક સુવર્ણ ચંદ્રક વિજેતા નીરજ ચોપરાએ પીએમ મોદી માટે પોતાની ઈચ્છા વ્યક્ત કરી છે.
નીરજ ચોપરા
વિશ્વભરમાં ભારત દેશનું ગૌરવ વધારનાર ઓલિમ્પિક સુવર્ણ ચંદ્રક વિજેતા નીરજ ચોપરા (Neeraj Chopra)એ પીએમ મોદી (PM Modi) માટે પોતાની ઈચ્છા વ્યક્ત કરી છે. ટાઈમ્સ નાઉ સમિટમાં તેમણે કહ્યું કે તે પીએમ નરેન્દ્ર મોદીને પોતાના ઘરે બનાવેલા ચુરમા ખવડાવવા માંગે છે. આ સાથે તેણે રેસિપી શેર કરવાની વાત પણ કરી. નીરજે ટોક્યો ઓલિમ્પિક 2020 (Tokyo Olympic 2020)માં જેવલિન થ્રોમાં ગોલ્ડ મેડલ જીતીને ઈતિહાસ રચ્યો હતો.
જ્યારે નીરજ ઓલિમ્પિકમાંથી ઘરે પરત ફર્યો ત્યારે સમગ્ર ઓલિમ્પિક ટીમને પીએમ નરેન્દ્ર મોદીએ નાસ્તા માટે આમંત્રણ આપ્યું હતું. આ દરમિયાન પીએમએ યુવા એથ્લેટને ખાસ ચુરમા ખવડાવ્યું હતું. વાસ્તવમાં નીરજની માતાએ ટાઈમ્સ નાઉને આપેલા ઈન્ટરવ્યુમાં જણાવ્યું હતું કે નીરજને ખાવામાં ચુરમા પસંદ છે. પીએમને ક્યાંકથી આ વાતની જાણ થઈ અને તેમણે ખેલાડીની ઈચ્છા પૂરી કરી.
ADVERTISEMENT
પીએમ સાથેની મુલાકાત પર પૂછવામાં આવતા તેમણે કહ્યું કે `પીએમને આ રીતે મળીને આનંદ થયો. તેણે માત્ર મેડલ વિજેતાઓ સાથે જ વાતચીત કરી ન હતી પરંતુ તે લોકો સાથે પણ વાત કરી હતી જેઓ મેડલ જીતવામાં નિષ્ફળ ગયા હતા. તેણે બધાને પ્રોત્સાહિત કર્યા હતા.`
જ્યારે ચુરમાં પર વાત કરતાં નીરજે કહ્યું કે `તે ઘર જેવું નહોતુ, પણ સારું હતું. જો હું તેને ક્યારેય મળીશ, તો હું તેને મારા ઘરનો ચૂરમા ખવડાવીશ. હું કહેવા માંગુ છું કે લોકોએ હરિયાણામાંથી ચુરમા બનાવતા શીખવું જોઈએ.` નોંધનીય છે કે નવી દિલ્હીમાં ટાઈમ્સ નેટવર્કની ઐતિહાસિક ટાઈમ્સ નાઉ સમિટનો આજે બીજો દિવસ છે. બે દિવસીય કોન્ફરન્સ દરમિયાન ભારતની આઝાદીના 75 વર્ષ અને તેની ગૌરવશાળી સિદ્ધિઓની ઉજવણી કરવામાં આવી રહી છે.
