આજે ૨૭ ઑક્ટોબરથી પાંચ નવેમ્બર સુધી ૬ મેન્સ હૉકી ટીમો વચ્ચે એશિયન ચૅમ્પિયન્સ ટ્રોફી રમાશે. ૨૦૧૧થી રમાતી આ ટુર્નામેન્ટમાં ડિફેન્ડિંગ ચૅમ્પિયન ભારતે ૨૦૧૧, ૨૦૧૬, ૨૦૧૮, ૨૦૨૩ અને ૨૦૨૪ સહિતની પાંચ સીઝન જીતી હતી.
એશિયન ચૅમ્પિયન્સ ટ્રોફી
આજે ૨૭ ઑક્ટોબરથી પાંચ નવેમ્બર સુધી ૬ મેન્સ હૉકી ટીમો વચ્ચે એશિયન ચૅમ્પિયન્સ ટ્રોફી રમાશે. ૨૦૧૧થી રમાતી આ ટુર્નામેન્ટમાં ડિફેન્ડિંગ ચૅમ્પિયન ભારતે ૨૦૧૧, ૨૦૧૬, ૨૦૧૮, ૨૦૨૩ અને ૨૦૨૪ સહિતની પાંચ સીઝન જીતી હતી. પાકિસ્તાન ત્રણ વખત અને સાઉથ કોરિયા એક વખત ચૅમ્પિયન બન્યું હતું.
આ ટુર્નામેન્ટ સાથે ૧૭ વર્ષના લાંબા અંતરાલ બાદ પંજાબમાં હૉકીની વાપસી થઈ રહી છે. દાયકાઓ સુધી આ રાજ્ય ભારતીય હૉકીનું મુખ્ય કેન્દ્ર રહ્યું છે. આજે પણ ભારતીય ટીમમાં અડધાથી વધુ ખેલાડીઓ અહીંથી જ આવે છે. પંજાબમાં છેલ્લી ઇન્ટરનૅશનલ હૉકી ટુર્નામેન્ટ ૨૦૦૯માં ગોલ્ડ કપ રૂપે રમાઈ હતી.
ADVERTISEMENT
ભારતમાં માત્ર ૨૦૨૩માં આ ટુર્નામેન્ટ ચેન્નઈમાં યોજાઈ હતી. આ વખતે પંજાબના જાલંધર અને મોહાલીમાં આ ટુર્નામેન્ટની મૅચો રમાશે. બે નવેમ્બર સુધી લીગ-સ્ટેજની મૅચ રમાશે. ૪ નવેમ્બરે સેમી-ફાઇનલ મૅચો અને પાંચ નવેમ્બરે ગોલ્ડ તથા બ્રૉન્ઝ મેડલ મૅચ રમાશે. પાકિસ્તાની ટીમ આ ટુર્નામેન્ટમાંથી હટી ગઈ હોવાથી મલેશિયાની ટીમ ભારત માટે મોટો પડકાર બનશે. બંગલાદેશ, ચીન, જપાન, સાઉથ કોરિયા પણ આ ટુર્નામેન્ટમાં ભાગ લઈ રહ્યું છે.
ભારતીય હૉકી ટીમની મૅચોનું શેડ્યુલ
૨૭ ઑક્ટોબરે બંગલાદેશ સામે
૨૯ ઑક્ટોબરે ચીન સામે
૩૦ ઑક્ટોબરે જપાન સામે
૧ નવેમ્બરે મલેશિયા સામે
૨ નવેમ્બરે સાઉથ કોરિયા
