એશિયન ગેમ્સમાં પાકિસ્તાનને ૪-૩થી હરાવીને ભારતીય મેન્સ હૉકી ટીમની ગોલ્ડ મેડલ મૅચમાં એન્ટ્રી

પાકિસ્તાન સામે ભારતનો અજેય સિલસિલો ૨૧ મેચ સુધી પહોંચ્યો

એશિયન ગેમ્સમાં પાકિસ્તાનને ૪-૩થી હરાવ્યું ભારતીય મેન્સ હૉકી ટીમે

એશિયન ગેમ્સ 2026ની મેન્સ હૉકીની સેમી-ફાઇનલમાં પાકિસ્તાનને ૪-૩થી હરાવીને ભારતે ગોલ્ડ મેડલ મૅચમાં સ્થાન નિશ્ચિત કર્યું છે. એશિયન ગેમ્સની હૉકીની ફાઇનલમાં ભારતની આ બારમી અને ૨૦૨૨માં ગોલ્ડ મેડલ જીત્યા પછી સતત બીજી હાજરી હશે. 
આ જીત સાથે ભારતે પાકિસ્તાન સામેના પોતાના અજેય અભિયાનને ૨૧ મૅચ સુધી લંબાવ્યું છે જેમાં ૧૯ જીત અને બે ડ્રૉનો સમાવેશ થાય છે. છેલ્લે ભારતને આ કટ્ટર હરીફ સામે ફેબ્રુઆરી ૨૦૧૬માં સાઉથ એશિયન ગેમ્સમાં હારનો સામનો કરવો પડ્યો હતો. 

૨૮ વર્ષથી મેન્સ-વિમેન્સ ભારતીય હૉકી ટીમો એકસાથે એશિયન ફાઇનલ રમશે 

ADVERTISEMENT

૧૯૯૮ પછી આ પ્રથમ વખત છે જ્યારે ભારતીય પુરુષ અને મહિલા બન્ને હૉકી ટીમો એશિયન ગેમ્સની ફાઇનલમાં પહોંચી છે. આજે બે ઑક્ટોબરે બપોરે ૩.૩૦ વાગ્યાથી બન્ને ટીમ ફાઇનલ મૅચ રમવા ઊતરશે. પુરુષ ટીમ મલેશિયા સામે અને મહિલા ટીમ ડિફેન્ડિંગ ચૅમ્પિયન ચીન સામે ટકરાશે.