Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


App banner App banner
હોમ > સ્પોર્ટ્સ સમાચાર > અન્ય સ્પોર્ટ્સ > આર્ટિકલ્સ > એશિયા કપ ચૅમ્પિયન બનીને ભારતીય ટીમે હૉકી વર્લ્ડ કપ 2026માં ડાયરેક્ટ એન્ટ્રી કરી

એશિયા કપ ચૅમ્પિયન બનીને ભારતીય ટીમે હૉકી વર્લ્ડ કપ 2026માં ડાયરેક્ટ એન્ટ્રી કરી

Published : 08 September, 2025 08:35 AM | IST | Bihar
Gujarati Mid-day Correspondent | feedbackgmd@mid-day.com

પાંચ વખતની ચૅમ્પિયન ટીમ સાઉથ કોરિયા સામે ૪-૧થી વિજય મેળવીને ભારત ચોથી વખત હૉકી એશિયા કપ જીત્યું

ભારતીય મેન્સ ટીમે ૮ વર્ષ બાદ હૉકી એશિયા કપની ટ્રોફી ઉપાડી.

ભારતીય મેન્સ ટીમે ૮ વર્ષ બાદ હૉકી એશિયા કપની ટ્રોફી ઉપાડી.


બિહારમાં આયોજિત મેન્સ હૉકી એશિયા કપ 2025ની ફાઇનલ મૅચમાં ભારત સાઉથ કોરિયાને ૪-૧થી હરાવીને ચૅમ્પિયન બન્યું છે. આ જીત સાથે હરમનપ્રીત સિંહ ઍન્ડ કંપનીએ બેલ્જિયમ અને નેધરલૅન્ડ્સમાં આયોજિત હૉકી વર્લ્ડ કપ 2026માં એન્ટ્રી કરી છે. પાંચ વખતની એશિયા કપ ચૅમ્પિયન કોરિયન ટીમ અભેદ્ય ભારતીય ડિફેન્સ સામે કમબૅક નહોતી કરી શકી.

ભારત તરફથી સુખીત સિંહ, દિલપ્રીત સિંહ અને અમિત રોહિદાસે ગોલ કર્યા હતા. કોરિયાની ટીમે ૫૦મી મિનિટે પેનલ્ટી કૉર્નરના આધારે એકમાત્ર ગોલ કર્યો હતો.



ભારતીય હૉકી ટીમ આખી ટુર્નામેન્ટમાં અજેય રહી હતી. માત્ર સાઉથ કોરિયા સામેની સુપર-ફોરની મૅચ જ ૨-૨થી ડ્રૉ રહી હતી. સાઉથ કોરિયા ૧૯૯૪, ૧૯૯૯, ૨૦૦૯, ૨૦૧૩, ૨૦૨૨માં આ ટુર્નામેન્ટ જીત્યું હતું અને ભારત ૨૦૦૩, ૨૦૦૭, ૨૦૧૭ બાદ હવે ૨૦૨૫માં પણ એશિયા કપમાં ચૅમ્પિયન બન્યું છે. આ વર્ષે એશિયા કપમાંથી નામ પાછું ખેંચી લેનાર પાકિસ્તાન ૧૯૮૨, ૧૯૮૫ અને ૧૯૮૯ એમ શરૂઆતના ત્રણેય એશિયા કપ જીત્યું હતું.


Whatsapp-channel Whatsapp-channel

08 September, 2025 08:35 AM IST | Bihar | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK