૧ નવેમ્બરે ભારત-પાકિસ્તાનની મેન્સ ટીમો વચ્ચે ટક્કર
મેન્સ એશિયન ચૅમ્પિયન્સ ટ્રોફી હૉકી 2026 પંજાબના જાલંધર અને મોહાલીમાં ૨૭ ઑક્ટોબરથી ૫ નવેમ્બર દરમ્યાન રમાશે
મેન્સ એશિયન ચૅમ્પિયન્સ ટ્રોફી હૉકી 2026 પંજાબના જાલંધર અને મોહાલીમાં ૨૭ ઑક્ટોબરથી ૫ નવેમ્બર દરમ્યાન રમાશે. ૨૦૧૧થી રમાતી આ લીગની નવમી સીઝનમાં યજમાન ભારત, પાકિસ્તાન, ચીન, જપાન, મલેશિયા અને સાઉથ કોરિયાની એમ ૬ ટીમો ભાગ લેશે. ઓમાન અને બંગલાદેશને રિઝર્વ ટીમો તરીકે પસંદ કરવામાં આવી છે.
આ ટુર્નામેન્ટમાં ભારત પાંચ વખત, પાકિસ્તાન ત્રણ વખત અને સાઉથ કોરિયા એક વખત ચૅમ્પિયન બન્યું છે. ભારતીય ટીમ છેલ્લી બન્ને સીઝનમાં વિજેતા હતી. અગાઉ 2023માં ચેન્નઈમાં ભારતે આ ટુર્નામેન્ટની પહેલી વખત યજમાની કરી હતી.
ADVERTISEMENT
હૉકી ઇન્ડિયાના અધિકારીઓ સાથેની એક પ્રેસ-કૉન્ફરન્સમાં પંજાબના મુખ્ય પ્રધાન ભગવંત માને કહ્યું હતું કે ‘પંજાબ સરકારે ચૅમ્પિયનશિપના સફળ આયોજન માટે ૨૫.૪૦ કરોડ રૂપિયાની ફાળવણી કરી છે. કેન્દ્ર સરકારની નવી નીતિ અનુસાર બહુ-રાષ્ટ્રીય ટુર્નામેન્ટોમાં પાકિસ્તાની ટીમ ભારતમાં રમે એમાં કોઈ સમસ્યા નથી.’
૧ નવેમ્બરે જાલંધરમાં ભારત અને પાકિસ્તાન વચ્ચે લીગ-સ્ટેજની મૅચ રમાશે.
