ઘણા જાણીતા ખેલાડીઓ ઈજાને કારણે નથી રમવાના, પરંતુ આ બે આઇકન પ્લેયર્સ પર સૌકોઈની નજર હશે.
મેસી-રોનાલ્ડોનો ફુટબૉલ પહેલાં ચેસમાં જંગ
વર્તમાન ફુટબૉલ જગતના બે મહાન ખેલાડી લિયોનેલ મેસી અને ક્રિસ્ટિયાનો રોનાલ્ડો પોતાના દેશ અનુક્રમે આર્જેન્ટિના અને પોર્ટુગલને ટ્રોફી અપાવવા આ વખતે ખાસ ઉત્સુક હોવા પાછળનું એકમાત્ર કારણ એ છે કે આ તેમનો કદાચ છેલ્લો ફિફા વર્લ્ડ કપ હોઈ શકે. ઘણા જાણીતા ખેલાડીઓ ઈજાને કારણે નથી રમવાના, પરંતુ આ બે આઇકન પ્લેયર્સ પર સૌકોઈની નજર હશે.
આર્જેન્ટિનાની મંગળવારે સાઉદી અરેબિયા સામે અને પોર્ટુગલની ગુરુવારે ઘાના સામે પહેલી મૅચ રમાય એ પહેલાં શનિવારે એક પ્રમોશનલ કૅમ્પેનના ભાગરૂપે લુઈ વિત્તોંએ એક ફોટો મીડિયામાં અપલોડ કરીને બન્ને સુપરસ્ટાર્સના કરોડો ચાહકોને ચોંકાવી દીધા હતા. આ ફોટોમાં મેસી અને રોનાલ્ડોને ચેસ રમી રહેલા બતાવાયા છે. બન્નેને હરીફની કઈ નવી ચાલ હોઈ શકે અને પોતાની કઈ ચાલ પોતાને સુરક્ષિત રાખી શકે એના પર ગહન વિચાર કરી રહેલા આ પિક્ચરમાં બતાવવામાં આવ્યા છે.
ADVERTISEMENT
મેસી-રોનાલ્ડોને જે બ્રીફકેસ પર ચેસ રમતા દેખાડાયા છે એ ૨૦૧૮ના ફિફા વર્લ્ડ કપની હતી. એ વિશ્વકપની ટ્રોફી આ બ્રીફકેસમાં રાખવામાં આવી હતી. ફ્રાન્સે એ વર્લ્ડ કપની ફાઇનલમાં ક્રોએશિયાને ૪-૨થી હરાવીને ટ્રોફી જીતી લીધી હતી.
12
મેસી અને રોનાલ્ડો, બન્ને મળીને કુલ આટલા ગોલ્ડન બૂટ અવૉર્ડ જીત્યા છે. આ પુરસ્કાર વર્ષના સર્વશ્રેષ્ઠ ફુટબોલરને આપવામાં આવે છે.
