ઝિમ્બાબ્વેના ઓપનર ઇનોસન્ટ કાઇયાએ ૨૨૭ બૉલમાં ૧૭ ફોરના આધારે ૧૪૦ રન કરીને પોતાની પહેલી ટેસ્ટ-સદી નોંધાવી હતી
પહેલી ટેસ્ટ-સદીની ઉજવણી કરતો ઝિમ્બાબ્વેનો ઓપનર ઇનોસન્ટ કાઇયા
હરારેમાં બંગલાદેશ સામેની એકમાત્ર ટેસ્ટ-મૅચના બીજા દિવસે યજમાન ઝિમ્બાબ્વેએ ૨૩૦ રનની લીડ જાળવી રાખી હતી. પહેલી ઇનિંગ્સમાં બંગલાદેશના ૧૪૦ રન સામે ઝિમ્બાબ્વેએ ૧૦૭.૨ ઓવરમાં ૪૧૦-૧૦નો સ્કોર કર્યો હતો. બીજા દિવસના અંતે બંગલાદેશે ૯ ઓવરમાં ૪૦-૧નો સ્કોર કર્યો હતો.
ઝિમ્બાબ્વેના ઓપનર ઇનોસન્ટ કાઇયાએ ૨૨૭ બૉલમાં ૧૭ ફોરના આધારે ૧૪૦ રન કરીને પોતાની પહેલી ટેસ્ટ-સદી નોંધાવી હતી. બંગલાદેશ તરફથી સ્પિનર તૈજુલ ઇસ્લામે ૪૦.૨ ઓવરમાં ૧૩૮ રન આપીને ૭ વિકેટ ઝડપી હતી. તેણે પોતાની ૩૦૦ ઇન્ટરનૅશનલ વિકેટ પણ પૂર્ણ કરી હતી.
