બડે મિયાં તો બડે મિયાં, છોટે મિયાં સુભાનઅલ્લાહ

વૈભવ સૂર્યવંશીના ૧૦ વર્ષના ભાઈ આશીર્વાદે પ્રૅક્ટિસ મૅચમાં પહેલવહેલી સદી ફટકારી

આશીર્વાદ સૂર્યવંશી

૧૫ વર્ષના વૈભવ સૂર્યવંશીનો નાનો ભાઈ આશીર્વાદ સૂર્યવંશી પણ હવે પોતાની બૅટિંગને કારણે ચર્ચામાં આવ્યો છે. ૧૦ વર્ષના જમણા હાથના બૅટર આશીર્વાદ સૂર્યવંશીએ હાલમાં બિહારના સમસ્તીપુરમાં અન્ડર-16 ટુર્નામેન્ટની પ્રૅક્ટિસ મૅચમાં તાજપુર ક્રિકેટ ઍકૅડેમી માટે સદી ફટકારી હતી. આશીર્વાદના સૌથી મોટા ભાઈ ઉજ્જ્વલ અને વૈભવે સોશ્યલ મીડિયા પર તેની સિદ્ધિ માટે શુભેચ્છા પાઠવી હતી. 
આશીર્વાદ સૂર્યવંશીએ માત્ર ૮૭ બૉલમાં ૨૦ ફોર અને એક સિક્સ ફટકારીને શાનદાર ૧૦૩ રનની ઇનિંગ્સ રમી હતી. ૧૦ વર્ષના આશીર્વાદ સૂર્યવંશીની બૅટિંગમાં સંયમ અને શાનદાર શૉટ જોવા મળ્યા જેની પ્રશંસા ક્રિકેટ-ફૅન્સ પણ કરી રહ્યા છે.