Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સ્પોર્ટ્સ સમાચાર > ક્રિકેટ > આર્ટિકલ્સ > ઑસ્ટ્રેલિયનોએ જૂનાગઢના ‘અશ્વિન ડુપ્લિકેટ’ની લીધી મદદ

ઑસ્ટ્રેલિયનોએ જૂનાગઢના ‘અશ્વિન ડુપ્લિકેટ’ની લીધી મદદ

04 February, 2023 02:08 PM IST | Mumbai
Gujarati Mid-day Correspondent | feedbackgmd@mid-day.com

આર. અશ્વિન જેવા દેખાતા મહેશ પીઠિયાની બોલિંગ ઍક્શન પણ તેના જેવી છે અને તેના જેવા ટર્ન પણ કરી શકે છે

રવિચન્દ્રન અશ્વિન, મહેશ પીઠિયા

રવિચન્દ્રન અશ્વિન, મહેશ પીઠિયા


૯ ફેબ્રુઆરીએ નાગપુરમાં શરૂ થનારી પ્રથમ ટેસ્ટ પહેલાં ઑસ્ટ્રેલિયાની ટીમ ખાસ કરીને ભારતીય સ્પિનર રવિચન્દ્રન અશ્વિનને ખતરો માને છે અને તેના સ્પિન સામે સજાગ થવા માગે છે અને એ માટે તેમણે એવા યુવાન સ્પિનરની નેટ-પ્રૅક્ટિસમાં મદદ લીધી છે જેના વિશે જાણીને ક્રિકેટચાહકોને જરૂર આશ્ચર્ય થશે.

સ્મિથ, લબુશેનને પરેશાન કર્યા



૨૧ વર્ષના રાઇટ-આર્મ ઑફબ્રેક સ્પિનર મહેશ વિરામભાઈ પીઠિયાનો જન્મ જૂનાગઢમાં થયો હતો. તે ફર્સ્ટ-ક્લાસ ક્રિકેટમાં બરોડા ટીમ વતી ચાર મૅચ રમ્યો છે, જેમાં તેણે ૮ વિકેટ લીધી છે. મહેશ પીઠિયા ભારતના પીઢ સ્પિનર આર. અશ્વિન જેવો પાતળા બાંધાનો અને તેના જેવો જ દેખાય છે. તેની બોલિંગ-ઍક્શન પણ આર. અશ્વિન જેવી છે અને તેના જેવા ઑફ સ્પિન પણ તે કરી જાણે છે. ગઈ કાલે પૅટ કમિન્સની ટીમના બૅટર્સ સામે મહેશ પીઠિયાએ અથાકપણે ઘણી વાર સુધી નેટમાં બોલિંગ કરી હતી અને સ્ટીવ સ્મિથ તેમ જ માર્નસ લબુશેન અને ટ્રેવિસ હેડને મુશ્કેલીમાં મૂક્યા હતા.


૨૦૧૩માં પહેલી વાર અશ્વિનની બોલિંગ જોઈ

મહેશ ૨૦૧૩માં ૧૧ વર્ષનો થયો છેક ત્યારે તેણે પહેલી વાર આર. અશ્વિનને બોલિંગ કરતો જોયો હતો. જૂનાગઢમાં તે જ્યાં રહેતો હતો ત્યાં ટીવીનું પ્રસારણ નહોતું એટલે તેણે અશ્વિનને બોલિંગ કરતો જોયો જ નહોતો. જોકે ૨૦૧૩માં વેસ્ટ ઇન્ડીઝ સામેની એક મૅચમાં તેણે ટીવી પર અશ્વિનને જોયો અને તે તેનો ફૅન બની ગયો હતો. મહેશ સાથે નેટમાં થ્રો-ડાઉન માટે પ્રીતેશ જોશીની મદદ લેવામાં આવી રહી છે. વાસ્તવમાં પ્રીતેશે જ મહેશની મદદ લેવાનું ઑસ્ટ્રેલિયન ટીમને સૂચવ્યું હતું અને તેઓ એ માટે તૈયાર થઈ ગયા હતા.


Whatsapp-channel Whatsapp-channel

04 February, 2023 02:08 PM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK