ભારતીય ટીમ છ ડ્રૉપ ઇન પિચ પર પ્રૅક્ટિસ કરીને વર્લ્ડ કપ માટે પોતાની દાવેદારી વધુ મજબૂત બનાવતી જોવા મળશે.
ડ્રૉપ ઇન પિચ’ની તસવીર
તમે ક્યારેય ‘ડ્રૉપ ઇન પિચ’ વિશે સાંભળ્યું છે? આગામી T20 વર્લ્ડ કપ માટે આવી જ પિચો ઑસ્ટ્રેલિયાથી અમેરિકા પહોંચી રહી છે. ઑસ્ટ્રેલિયાના ઍડીલેડથી શિપમાં દરિયામાર્ગે ૧૪,૦૦૦ કિલોમીટરનું અંતર કાપીને ‘ડ્રૉપ ઇન પિચ’ અમેરિકાના ફ્લૉરિડા પહોંચી હતી. ત્યાંથી ૧૦ ‘ડ્રૉપ ઇન પિચ’ ન્યુ યૉર્કમાં ઇનસ્ટૉલ કરવામાં આવી રહી છે. આ એક એવી પિચ છે જે મેદાન અથવા સ્થળથી ક્યાંક દૂર બનાવવામાં આવે છે અને બાદમાં સ્ટેડિયમમાં લાવી ગોઠવવામાં આવે છે. આ પિચને ઇનસ્ટૉલ કરવામાં લગભગ ૧૨ કલાક લાગે છે. નાસાઉ સ્ટેડિયમમાં ચાર પિચ ગોઠવવામાં આવશે, જ્યારે છ નજીકના પ્રૅક્ટિસ કૉમ્પ્લેક્સમાં ગોઠવવામાં આવશે. ૨૧-૨૨ મેની આસપાસ હેડ કોચ રાહુલ દ્રવિડ અને સ્પોર્ટ્સ સ્ટાફ સાથે ભારતીય ટીમનો પ્રથમ બૅચ વર્લ્ડ કપની પ્રૅક્ટિસ માટે ભારતથી રવાના થશે. ભારતીય ટીમ છ ડ્રૉપ ઇન પિચ પર પ્રૅક્ટિસ કરીને વર્લ્ડ કપ માટે પોતાની દાવેદારી વધુ મજબૂત બનાવતી જોવા મળશે.
