ટીમ ઇન્ડિયાના પૂર્વ કૅપ્ટન સુનિલ ગાવસ્કર અને હાલના બીસીસીઆઇ અધ્યક્ષ સૌરવ ગાંગુલી વચ્ચે ઘણાં સારા સંબંધો છે, પણ તેમને દાદા (ગાંગુલી) સામે એક જ ફરિયાદ છે.
મિશ્ટી દોઈ અંગે ગાવસ્કરને, ગાંગુલી સામે છે આ મોટી ફરિયાદ
ભારત અને ઇંગ્લેન્ડ વચ્ચે જાહેર નૉટિંઘમ ટેસ્ટ દરમિયાન સુનીલ ગાવસ્કર અને વીરેન્દ્ર સહેવાગ `સોની ટેન`ના શૉ `એકસ્ટ્રા ઇનિંગ્સ`ના ગેસ્ટ બન્યા હતા. તેમની સામે મિશ્ટી દોઈ રાખવામાં આવી હતી. તેને જોતાં જ લિટલ માસ્ટના મનમાં એક ઘટના યાદ આવી ગઈ.
મિશ્ટી દોઈ જોઇને જૂની યાદો ફરી થઈ તાજી
સુનીલ ગાવસ્કરે જણાવ્યું, "જ્યારે હું કોલકાતા જાઉં છું તો મિષ્ટી દોઈ તો ખાવી જ હોય, જ્યારે હું ભારતીય ટીમનો કૅપ્ટન હતો, અને આપણા આજના જે બીસીસીઆઇ અધ્યક્ષ છે સૌરવ ગાંગુલી, તેમના જે પિતા છે, તે સમયે `ક્રિકેટ એસોસિએશન ઑફ બંગાળ`ના સચિવ હતા, તે રિસીવ કરવા આવતા ઍરપૉર્ટ પર, અને જ્યારે અમે હોટલ પહોંચતા, તો તેઓ મારી માટે હોટેલની ફ્રિઝમાં મોટી મિષ્ટી દોઈની હાંડી રાખતા. 8 દિવસ સુધી રહેવાનું હતું ત્યા, તે તેની સાથે ક્યારેક રોશોગુલ્લા પણ લઈ આવતા હતા, ત્યારે ખૂબ જ આનંદ આવતો."
ADVERTISEMENT
ગાંગુલી સામે ગાવસ્કરને છે આ ફરિયાદ
સુનીલ ગાવસ્કરે કહ્યું, "ફક્ત એક જ ફરિયાદ છે, હું આશા રાખું છું કે સાંભળનારા સાંભળશે કે તે સમયે જે સચિવ હતા `ક્રિકેટ એસોસિએશન ઑફ બંગાળ`ના તેઓ આટલી મોટી હાંડી લાવતા હતા, અને જે હવે બીસીસીઆઇના અધ્યક્ષ છે, તે કંઇ નથી લાવતા." આ સાંભળીને વીરેન્દ્ર સહેવાગ ખડખડાટ હસવા માંડ્યા અને કહ્યું, "દાદા તમે સાંભળતા હોવ, તો હવે સની ભાઈ મળે અથવા વીરેન્દ્ર સહેવાગ મળે તો મિષ્ટી દોઈનું માટલું લાવજો અને રોશોગુલ્લા પણ."
??@SGanguly99 are you listening? ?
— Sony Sports (@SonySportsIndia) August 6, 2021
We can let you know where to find them ;)
Catch all the #ExtraaaInnings fun LIVE on
? Sony SIX, Sony TEN 3, Sony TEN 4#BackOurBoys #ENGvIND #INDvENG @virendersehwag pic.twitter.com/jwnCBNysWa
ગાંગુલી ક્યારે કરશે સની પાજીની ડિમાન્ડ પૂરી?
સુનીલ ગાવસ્કર અને વીરેન્દ્ર સહેવાગની આ ડિમાન્ડ પર હાલ બીસીસીઆઇ અધ્યક્ષ સૌરવ ગાંગુલીએ કોઈ કોમેન્ટ નથી કરી, પણ આશા છે કે દાદા આ દિગ્ગજોની ઇચ્છા જરૂર પૂરી કરશે.
