Gujarati Mid-day
Happiest Places to Work

ઇ-પેપર

વેબસ્ટોરીઝ

વેબસ્ટોરીઝ


App banner App banner
હોમ > સ્પોર્ટ્સ સમાચાર > ક્રિકેટ > આર્ટિકલ્સ > હવે સીધો IPL 2025માં રમતો જોવા મળશે સંજુ સૅમસન?

હવે સીધો IPL 2025માં રમતો જોવા મળશે સંજુ સૅમસન?

Published : 04 February, 2025 08:34 AM | IST | Mumbai
Gujarati Mid-day Correspondent | feedbackgmd@mid-day.com

ભારતીય ટીમનો વિકેટકીપર-બૅટર સંજુ સૅમસન વાનખેડે સ્ટેડિયમમાં પાંચમી T20 મૅચમાં એક ચોગ્ગો અને બે છગ્ગાની મદદથી સાત બૉલમાં ૧૬ રનની ઇનિંગ્સ રમ્યો હતો.

ઇંગ્લૅન્ડના કૅપ્ટન જોસ બટલર સાથે T20 જર્સીની અદલાબદલી કરી સંજુ સૅમસને.

ઇંગ્લૅન્ડના કૅપ્ટન જોસ બટલર સાથે T20 જર્સીની અદલાબદલી કરી સંજુ સૅમસને.


ભારતીય ટીમનો વિકેટકીપર-બૅટર સંજુ સૅમસન વાનખેડે સ્ટેડિયમમાં પાંચમી T20 મૅચમાં એક ચોગ્ગો અને બે છગ્ગાની મદદથી સાત બૉલમાં ૧૬ રનની ઇનિંગ્સ રમ્યો હતો. આ મૅચ દરમ્યાન ઇંગ્લૅન્ડના ફાસ્ટ બોલર જોફ્રા આર્ચરની ઓવરમાં બૉલ તેના જમણા હાથની હથેળી પર વાગ્યો હતો. તેને દુખાવો થતાં ઇંગ્લૅન્ડની બૅટિંગ સમયે તેના સ્થાને ધ્રુવ જુરેલને વિકેટકીપર તરીકે મેદાનમાં ઉતારવો પડ્યો હતો.


એવું જાણવા મળ્યું છે કે સૅમસનના જમણા હાથની તર્જની આંગળીમાં ફ્રૅક્ચર થયું છે જેના કારણે તેણે એક મહિનાથી વધુ સમય માટે ક્રિકેટથી દૂર રહેવું પડશે. આગામી રણજી ટ્રોફી ક્વૉર્ટર ફાઇનલમાં કેરલા માટે પણ તે રમી શકશે નહીં. નૅશનલ ક્રિકેટ ઍકૅડેમી (NCA)માં ફિટનેસ પર કામ કર્યા બાદ તેને ક્રિકેટમાં વાપસી કરવા NCAની મંજૂરી લેવી પડશે. એવી શક્યતા છે કે ૨૧ માર્ચથી આયોજિત IPL 2025માં રાજસ્થાન રૉયલ્સ તરફથી જ તે મેદાન પર વાપસી કરશે. સૅમસન વન-ડે ફૉર્મેટની ચૅમ્પિયન્સ ટ્રોફી માટે ભારતીય સ્ક્વૉડમાં એન્ટ્રી મેળવી શક્યો નથી.



ઇંગ્લૅન્ડ સામેની T20 સિરીઝની પાંચેય મૅચમાં તે શૉર્ટ બૉલ પર કૅચઆઉટ થયો હતો. આ ઓપનરે અનુક્રમે ૨૬, ૫, ૩, ૧ અને ૧૬ રન બનાવ્યા હતા.


Whatsapp-channel Whatsapp-channel

04 February, 2025 08:34 AM IST | Mumbai | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK