જાણો ખેલ-જગતમાં શું બન્યું...
બેન સ્ટૉક્સ (ડાબે), જ્વાલા ગુટ્ટા અને ઍક્ટર વિષ્ણુ વિશાલ
બેન સ્ટૉક્સ સીઝનમાંથી આઉટ
રાજસ્થાનને ગઈ કાલે બીજો ઝટકો લાગ્યો હતો. તેમનો ઑલરાઉન્ડર બેન સ્ટૉક્સ આંગળીમાં ઈજાને લીધે આખી સીઝનમાંથી આઉટ થઈ ગયો હતો. આ પહેલાં તેઓ જોફ્રા આર્ચરને પણ ગુમાવી ચૂક્યા છે.
ADVERTISEMENT
૨૨ એપ્રિલે લગ્ન કરશે જ્વાલા ગુટ્ટા
ભારતીય મહિલા બૅડ્મિન્ટન સ્ટાર જ્વાલા ગુટ્ટા સોશ્યલ મીડિયામાં લગ્નનું કાર્ડ શૅર કરીને ૨૨ એપ્રિલે સાઉથના ઍક્ટર વિષ્ણુ વિશાલ સાથે લગ્ન કરી રહી છે. આ સમારંભમાં ફક્ત નજીકના કુટુંબીજનોને આમંત્રણ આપવામાં આવ્યું છે. બન્નેનાં આ બીજાં લગ્ન છે. જ્વાલાએ આ પહેલાં બૅડ્મિન્ટ ખેલાડી ચેતન આનંદ સાથે લગ્ન કર્યાં હતાં અને બન્ને ૨૦૧૧માં છૂટાં પડી ગયાં હતાં.
વર્લ્ડ નંબર-ટૂ ટેનિસસ્ટાર મેડવેડેવ કોરોનાગ્રસ્ત
મેન્સ સિંગલ ટેનિસ રૅન્કિંગ્સમાં બીજા ક્રમાંકિત ડૅનિલ મેડવેડેવનો કોરોના-રિપોર્ટ પૉઝિટિવ આવ્યો છે, જેને કારણે રશિયન ખેલાડીએ આગામી મોન્ટે કાર્લો ટુર્નામેન્ટમાંથી ખસી જવાનો નિર્ણય લીધો હતો. સોમવારે શરૂ થયેલી આ ટુર્નામેન્ટમાં મેડવેડેવને પહેલા રાઉન્ડમાં બાય મળી હતી. મેડવેડેવે સોમવારે ભૂતપૂર્વ નંબર-વન રાફેદ નડાલ સાથે પ્રૅક્ટિસ પણ કરી હતી. મેડવેડેવને આઇસોલેટ કરી દેવામાં આવ્યો હતો અને ટુર્નામેન્ટની મેડિકલ ટીમ તેની સારસંભાળ રાખી રહી છે. મેડવેડેવે આ વર્ષે ઑસ્ટ્રેલિયન ઓપનની ફાઇનલમાં પ્રવેશ કર્યો હતો, પણ ત્યાં તેનો નોવાક જોકોવિચ સામે પરાજય થયો હતો.
