મોઇનનો ઘૂંટણનો દુખાવો મટ્યો ને બોલિંગ સુધરી ગઈ

મોઇન અલીએ ૧૧૦ રનની ભાગીદારી બદલ ડેવોન કૉન્વે ઉપરાંત ઋતુરાજ ગાયકવાડનાં પણ ખૂબ વખાણ કર્યાં હતાં. મોઇને ખાસ કરીને ગયા મહિનાના છેલ્લા દિવસોમાં લગ્ન કરનાર કૉન્વે વિશે કહ્યું કે ‘તેને મૅરેજ ફળ્યાં છે. તે બહુ સારું રમવા માંડ્યો છે. તે ટીમને પુષ્કળ રન અપાવી શકે એવો બૅટર છે. ફૅફ ડુ પ્લેસી આ ટીમમાંથી ગયા પછી (તે હવે બૅન્ગલોરનો કૅપ્ટન બન્યો છે) ચેન્નઈને જેવી જોડીની જરૂર હતી એ કૉન્વે અને ઋતુ (ગાયકવાડ)ના રૂપમાં જોવા મળી રહી છે. કૉન્વે ગ્રેટ પ્લેયર છે.’

 સ્પિનરના બૉલમાં આગળ આવીને બૉલને હિટ કરવાનું મને બહુ ફાવતું નથી, પણ ધોનીએ સ્પિનરો સામે આક્રમકતાથી કેવી રીતે રમવું એની જે સલાહ આપી એનાથી મને ઘણો ફાયદો થયો હતો. હું સતત ત્રીજી હાફ સેન્ચુરી ફટકારી શક્યો એનો જશ ધોનીને આપું છું. - ડેવોન કૉન્વે