Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સ્પોર્ટ્સ સમાચાર > ક્રિકેટ > આર્ટિકલ્સ > CSK vs GT: ચેન્નઈએ ગુજરાત સામે પહેલી મૅચની હારનો બદલો પ્લે-ઑફમાં લઈ લીધો

CSK vs GT: ચેન્નઈએ ગુજરાત સામે પહેલી મૅચની હારનો બદલો પ્લે-ઑફમાં લઈ લીધો

25 May, 2023 10:51 AM IST | Chennai
Gujarati Mid-day Correspondent | feedbackgmd@mid-day.com

હાર્દિકની ટીમ પહેલી જ વખત ઑલઆઉટ થઈ અને સીએસકે સામે પણ પ્રથમ વાર હારી : ઋતુરાજની હાફ સેન્ચુરી આ વખતે કારગત નીવડી

મંગળવારે ધોનીની પત્ની સાક્ષી પણ મૅચ જોવા આવી હતી. તસવીર iplt20.com

IPL 2023

મંગળવારે ધોનીની પત્ની સાક્ષી પણ મૅચ જોવા આવી હતી. તસવીર iplt20.com


આઇપીએલની આ વખતની ૧૬મી સીઝનની પ્રથમ મૅચ ૩૧ માર્ચે અમદાવાદમાં રમાઈ હતી, જેમાં ડિફેન્ડિંગ ચૅમ્પિયન ગુજરાત ટાઇટન્સ (જીટી)એ ચેન્નઈ સુપર કિંગ્સ (સીએસકે)ને પાંચ વિકેટે હરાવીને વિજયીઆરંભ કર્યો હતો, પણ મંગળવારે સીએસકેએ ચેન્નઈમાં એને ૧૫ રનથી હરાવીને સાટું વાળી લીધું. સીએસકેનો ઓપનર ઋતુરાજ ગાયકવાડ (૬૦ રન, ૪૪ બૉલ, એક સિક્સર, સાત ફોર) મંગળવારની મૅચનો હીરો હતો. ૩૧ માર્ચે અમદાવાદમાં તેણે જીટી સામે ૫૦ બૉલમાં નવ સિક્સર અને ચાર ફોરની મદદથી ૯૨ રન બનાવ્યા હતા, પરંતુ શુભમન ગિલના ૬૩ રન તેમ જ રાશિદ ખાન (૨૬ રનમાં બે વિકેટ, અણનમ ૧૦)ના ઑલરાઉન્ડ પર્ફોર્મન્સને કારણે સીએસકેએ પરાજય જોવો પડ્યો હતો. જોકે મંગળવારે ઋતુરાજની આ વખતની ચોથી હાફ સેન્ચુરી મૅચ-વિનિંગ નીવડી હતી.

હાર્દિક પંડ્યાની જીટીની ટીમ આઇપીએલના ઇતિહાસમાં પહેલી જ વખત સીએસકે સામે હારી છે. ગઈ સીઝનમાં જીટીએ સીએસકેને બન્ને મુકાબલામાં અને આ વખતના એકમાત્ર મુકાબલામાં હરાવી હતી. મંગળવારે સીએસકેએ બૅટિંગ મળ્યા પછી ૭ વિકેટે ૧૭૨ રન બનાવ્યા ત્યાર બાદ જીટીની ટીમ ૨૦ ઓવરમાં ૧૫૭મા રને ઑલઆઉટ થઈ ગઈ હતી. એમાં શુભમન ગિલના ૪૨ રન હાઇએસ્ટ હતા અને તેની તેમ જ રાશિદ ખાન (૩૦ રન, ૧૬ બૉલ, બે સિક્સર, ત્રણ ફોર)ની ઇનિંગ્સ પાણીમાં ગઈ હતી. વનડાઉનમાં આવેલો ખુદ હાર્દિક પંડ્યા ૮ રન બનાવીને આઉટ થયો હતો. ડેવિડ મિલર (૪ રન), ઇમ્પૅક્ટ પ્લેયર વિજય શંકર (૧૪ રન) અને રાહુલ તેવટિયા (૩ રન) પણ સારું પર્ફોર્મ નહોતા કરી શક્યા. દીપક ચાહર, મહીશ થીકશાના, રવીન્દ્ર જાડેજા અને મથીશા પથીરાનાએ બે-બે વિકેટ તેમ જ તુષાર દેશપાંડેએ એક વિકેટ લીધી હતી. ડેવૉન કૉન્વે સાથે ૮૭ રનની ઓપનિંગ પાર્ટનરશિપ કરનાર અને વિજય શંકરનો કૅચ પકડનાર ઋતુરાજને મૅન ઑફ ધ મૅચનો પુરસ્કાર અપાયો હતો.

 છઠ્ઠી ઓવરમાં હાર્દિકની વિકેટ પડી એનાથી ચેન્નઈની જીત આસાન થઈ. ધોનીએ ઑફ સાઇડ પર છ ફીલ્ડર ઊભા રાખીને મોટું સર્કલ બનાવેલું અને થીકશાનાને સ્ટમ્પ્સ પર બૉલ ફેંકવા કહેલું. હાર્દિકે આ બધા ફીલ્ડર્સની ઉપરથી બૉલને બાઉન્ડરી તરફ મોકલવો પડે એ એકમાત્ર ઉપાય તેની પાસે હતો અને એમાં જ તેણે વિકેટ ગુમાવી. - પાર્થિવ પટેલ


Whatsapp-channel Whatsapp-channel

25 May, 2023 10:51 AM IST | Chennai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK