ભારતે પાકિસ્તાન સામેની હૉકીની મૅચ ૧-૧થી ડ્રૉ કરી : જોકે ફાઇનલ જંગથી વંચિત રહી ગયું
હવે ભારતે બ્રૉન્ઝ મેડલ માટે ઑસ્ટ્રેલિયા ‘એ’ સામે રમવું પડશે અને ફાઇનલમાં પાકિસ્તાનનો ઑસ્ટ્રેલિયા સાથે મુકાબલો થશે. ગઈ કાલની પાકિસ્તાન સામેની મૅચની બીજી જ મિનિટમાં પાકિસ્તાનના પીઢ ખેલાડી સોહેલ અબ્બાસે ગોલ કર્યો ત્યાર પછી ૨૬મી મિનિટમાં ભારત વતી મુંબઈના યુવરાજ વાલ્મીકિએ ગોલ કરીને સ્કોર લેવલ કરી નાખ્યો હતો. જોકે ત્યાર પછી ટીમના બીજા ફૉરવર્ડ ખેલાડીઓના નબળા પફોર્ર્મન્સને લીધે ભારત વધુ ગોલ કરવામાં નિષ્ફળ ગયું હતું.
