° °

આજનું ઇ-પેપર
Saturday, 19 June, 2021


ઑસ્ટ્રેલિયાના ભૂતપૂર્વ લેગ સ્પિનર સ્ટુઅર્ટ મૅક્‍ગિલને અપહરણ બાદ ખૂબ માર મરાયો

06 May, 2021 02:45 PM IST | Mumbai | Gujarati Mid-day Correspondent

એક શૉકિંગ ઘટનામાં ઑસ્ટ્રેલિયાના ભૂતપૂર્વ સ્પિનર સ્ટુઅર્ટ મૅક્‍‍ગિલનું તેના ઘરેથી બંદૂકની અણીએ અપહરણ કરવામાં આવ્યું હતું. અપહરણ કર્યા બાદ શહેરના એક ખુણે લઈ જઈને તેને ખૂબ માર મારવામાં આવ્યો હતો અને ધમકાવવામાં આવ્યો હતો.

સ્ટુઅર્ટ મૅક્‍‍ગિલ

સ્ટુઅર્ટ મૅક્‍‍ગિલ

એક શૉકિંગ ઘટનામાં ઑસ્ટ્રેલિયાના ભૂતપૂર્વ સ્પિનર સ્ટુઅર્ટ મૅક્‍‍ગિલનું તેના ઘરેથી બંદૂકની અણીએ અપહરણ કરવામાં આવ્યું હતું. અપહરણ કર્યા બાદ શહેરના એક ખુણે લઈ જઈને તેને ખૂબ માર મારવામાં આવ્યો હતો અને ધમકાવવામાં આવ્યો હતો. ઑસ્ટ્રેલિયાના અખબાર ‘ટેલિગ્રાફ’ના અહેવાલ પ્રમાણે ગયા મહિને ૧૪ એપ્રિલે રાતે ૮ રોડ પર મૅક્‍ગિલને ૪૬ વર્ષની ઉંમરની વ્યક્તિએ રોક્યો હતો અને ત્યાર બાદ બીજા બે-ત્રણ માણસો તેની સાથે જોડાયા હતા અને મૅક્‍ગિલને જબરદસ્તી કારમાં બેસાડીને લઈ ગયા હતા. દૂર કોઈ શાંત જગ્યાએ લઈ જઈને તેની મારઝૂડ કર્યા બાદ છોડી મૂકવામાં આવ્યો હતો. છોડી મૂકતાં પહેલાં તેને મારી નાખવાની ધમકી આપવામાં આવી હતી. 

મૅક્‍‍ગિલે આ ઘટનાના ૬ દિવસ બાદ પોલીસ-ફરિયાદ કરી હતી. તપાસ બાદ પોલીસે ચાર વ્યક્તિની ધરપકડ કરી હતી. અહેવાલ પ્રમાણે જે ૪૬ વર્ષની વ્યક્તિએ પહેલાં મૅક્‍ગિલને રોક્યો હતો તે તેની ગર્લફ્રેન્ડનો ભાઈ મારિનો સોટિરોપૉલોસ હતો. મારિનોની માલિકીની હોટેલમાં જ મૅક્‍ગિલ કામ કરે છે. 

જોકે અપહરણ અને મારઝૂડનું ખરું કારણ હજી સુધી જાણી નથી શકાયું. મૅક્‍ગિલ ઑસ્ટ્રેલિયા વતી ૧૯૮૮થી ૨૦૦૮ દરમ્યાન ૪૪ ટેસ્ટ રમ્યો હતો, જેમાં તેણે ૨૦૮ વિકેટ લીધી હતી. એ સમયે શેન વૉર્નના દબદબાને કારણે તેને વધુ રમવા નહોતું મળ્યું. 

06 May, 2021 02:45 PM IST | Mumbai | Gujarati Mid-day Correspondent

અન્ય લેખો

ક્રિકેટ

મોહમ્મદ અઝહરુદ્દીનની હકાલપટ્ટી

હૈદરાબાદ ક્રિકેટ અસોસિએશનના અધ્યક્ષપદેથી કાઢી મૂકવામાં આવ્યો, જોકે ભૂતપૂર્વ કૅપ્ટન કહે છે કે લુટારાઓની બનેલી અપેક્સ કાઉન્સિલને તેની સામે પગલાં લેવાનો કોઈ જ અધિકાર નથી

18 June, 2021 03:08 IST | Mumbai | Gujarati Mid-day Correspondent
ક્રિકેટ

આજથી ટેસ્ટમાં ટક્કર : આક્રમક વિરાટની ધમાકેદાર ફોજ સામે ચપળ વિલિયમસનની કસોટી

ટેસ્ટ-ક્રિકેટનાં ૧૪૪ વર્ષના ઇતિહાસમાં અત્યંત રોમાંચક, રસાકસીભરી, અણધાર્યાં પરિણામો આપનારી અને અપસેટ સર્જનારી ઘણી ટેસ્ટ-મૅચો રમાઈ ગઈ છે, પરંતુ આજે (ભારતીય સમય મુજબ બપોરે ૩.૦૦ વાગ્યાથી) ઇંગ્લૅન્ડના સધમ્પ્ટનમાં જે ટેસ્ટ-મૅચ શરૂ થવા જઈ રહી છે એ ઐતિહાસિક

18 June, 2021 02:56 IST | England | Gujarati Mid-day Correspondent
ક્રિકેટ

સ્નેહ, શર્મા, સ્મૃતિ અને શેફાલી : ઇંગ્લૅન્ડ સામે ચારેયનો પરચો

ઇંગ્લૅન્ડની મહિલા ટીમે બ્રિસ્ટોલમાં ભારત સામેની એક માત્ર ટેસ્ટમાં ગઈ કાલે બીજા દિવસે પ્રથમ દાવ ૯ વિકેટે ૩૯૬ રનના સ્કોર પર ડિક્લેર કર્યો હતો. ત્યાર બાદ ભારતે વળતો જવાબ આપ્યો હતો.

18 June, 2021 02:54 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK